陳自瑤自爆「重新再揀寧願單身」！吳若希公開「公審」老公原因，大爆有人為報復老公出軌！

由陳自瑤（Yoyo）、賴慰玲、黎諾懿及羅天宇主持的TVB清談節目《香港婚後事》，最新一集邀來吳若希（Jinny）大談夫妻相處之道。敢言的Jinny更大爆有人為報復老公出軌，節目一出，馬上引起網民熱議。

吳若希公開「公審」老公原因

節目裏吳若希（Jinny）提到自己不時會在網上「公審」老公，Jinny表示：「好多人覺得家醜不可外揚，但我唔係，唔啱嘅嘢我講咗好多次，而你都係唔聽嘅時候，我教唔到，咁就由出面嘅人教你，我係咁嘅心態。」Jinny之後更笑說老公其實並沒有因此投訴，因為「佢知道佢講咗都冇用」！而Jinny亦澄清指這套方法不是每個人都適合，要視乎另一半的性格。主持人之一的黎諾懿則笑說「我自己唔得，如果老婆將家事擺上網，我會好嬲。」

大爆有人為報復老公出軌！

之後節目講到「女方出軌」的話題，Jinny就分享了一宗真人真事！Jinny表示女事主和老公結婚十年，但某天發現了老公出軌。女事主為了報復老公出軌，竟然與老公好友發生了一夜情！後來女事主更發現「外面世界很大」，不想再和老公一起了，兩人最後離婚收場。情節相當「花生」！

陳自瑤自爆「重新再揀寧願單身」

對於出軌的話題，陳自瑤（Yoyo）亦有感而發：「男人又好女人又好，出軌可能只係一時衝動，就係為咗一刻嘅歡愉做錯事，無論做咩事都好，最緊要唔好為咗一時一刻嘅衝動、快樂，毀咗成個家庭，代價好大。」這集還新增了「殘酷二選一」環節，當主持羅天宇和Yoyo被問到「可以重新再揀，選擇單身定係結婚？」時，Yoyo竟然回答「單身！」，答案實在耐人尋味。

Text：GirlStyle Editorial
Photo source：《香港婚後事》節目截圖