張天賦經理人飛機上掟爆谷被轟無公德心！有粉絲撐MC被駁：大笑兼PO片證明佢唔覺有錯

最近張天賦（MC）飛到馬來西亞舉行演唱會，他在社交平台分享搭飛機回程的影片，但影片中經理人May姐因在飛機上將爆谷掟向MC而引起爭議，被不少網民評擊兩人的行為十分沒有公德心，更被指「自製公關災難」！

MC經理人飛機上掟爆谷

日前張天賦（MC）在社交平台分享了一段影片，寫上：「百厭May自己食爆谷倒瀉，仲掉俾我，俾個空姐周到」，片中可見MC的經理人May姐在飛機上不小心倒瀉爆谷，但她不但沒有即場執回，反而是將爆谷掟向MC，之後MC則一邊大笑，一邊幫手執起地上的爆谷，並向在旁的空姐道歉。

被大批網民炮轟兩人欠缺公德心

雖然MC當場已向空姐道歉，但仍然被不少網民大鬧他們的行為欠缺公德心，有人留言：「真係好笑咩？而家明點解飛機咁污糟啦」、「無公德心當有趣」、「第一次見經理人幫藝人製造公關災難」、「有冇諗清潔員工同下一位乘客感受？」、「幾廿歲仲唔識分場合做嘢，一路sorry一路嬉皮笑臉」、「一啲公德都冇，難為人哋要執手尾」。

有粉絲撐MC被反駁

但也有部分粉絲直指並非MC掟爆谷，而是他的經理人，又指「其實人地有執返」、「跌咗嘅爆谷係佢哋自己執，講到好似係佢哋喺度玩爆谷，然後兩手一攤叫空姐執咁」，質疑為何大家要指罵MC，有網民則反駁：「唔洗幫MC洗白， 笑埋一份仲post片證明佢覺得冇問題」、「雖然整污糟可以執番抹番，但好多食物碎屑攝左喺啲位罅真係好嘔心。同埋咁掉來掉去真係好得意咩？點解唔可以有番公德心」。

之後經理人May姐上水回覆並道歉：「啱嘅啱嘅啱嘅，整污糟晒啲地方唔好呀嘛，sorry sorry sorry」。

Text：Girls editorial

Photo Source：張天賦@threads、張天賦@IG