Edan幫Jeremy、Winka平反被讚「潮文界頂流」，兩人曾被指無視Fans耍大牌：其實唔使咁串嘅～

早前有網民在網上發文，指自己巧遇MIRROR成員李駿傑（Jeremy）和COLLAR成員陳泳伽（Winka），認為兩人疑似扮大牌，雖然帖文沒有任何圖片證明，卻引起網民熱議。而日前作為《MATCHICAL LIVE 2024》演唱會尾場嘉賓的呂爵安（Edan）就替兩人平反！

發文者指自己遭Jeremy及Winka無視

早前有網民發文，並寫上：「啱啱撞到Jeremy同Winka，諗住問佢哋可唔可以影張相，嗌咗吓jeremy個名，佢哋兩個望左望（個眼神係睥嗰種望），跟住直接無視咗我繼續行，其實唔使咁串嘅，笑一笑都好呀！本身覺得佢哋個人應該都唔差，但啱啱見完嗰一面之後，對佢哋改觀哂，直程扣哂分」，疑似覺得兩人在扮大牌。

大讚AK友善兼有禮

之後該網民又分享之前曾遇過江𤒹生（AK），對方卻十分友善，寫上：「我之前撞過AK，佢係勁Nice勁有禮貌，對佢嘅印象好好，呢啲咪識做囉」。事件曝光後即引起網民熱議，其中有不少網民都覺得可能認錯人，亦有不少人為兩人平反，指他們很友善，而ERROR吳保錡也有留言：「佢好好人嫁喎！可能咁啱聽唔到」。

Edan發文替兩人平反

日前作為《MATCHICAL LIVE 2024》演唱會尾場嘉賓的呂爵安（Edan）也有在台上就這次事件抽水，他在台上先與眾人合照，其後將合照放到IG，並根據網民的格式改成：「啱啱喺台上撞到Jeremy、Winka、Jer、Stanley、Marf、Sumling，諗住問佢地可唔可以俾晒成副身家我，嗌咗下Jeremy個名，佢哋六個望咗望（個眼神係望到偶像嗰種望），跟住直接無視咗我繼續行，其實唔使咁串嘅，笑一笑都好呀！本身覺得佢地個人應該都唔差，但啱啱見完嗰一面之後，對佢哋改觀哂，直程加哂分」。

而Jeremy、Winka也有留言，其中Jeremy：「下次唔好俾我見到你，我一定會捉你影相 」，Winka：「近貼脆文之假！」。隨後大批網民大讚Edan很正，有人留言：「點解你可以跟得咁貼」、「真係好多事都可以被你嘅方法化解一切，你不愧係我哋嘅偶像」、「有你永遠最有驚喜 」、「潮文界頂流」。

Text：Girls editorial

Photo Source：IG@Winka、IG@Jeremy、IG@Edan、IG@AK