姜濤粉絲冒著風雨早半個月紮營霸位！網民：政府有冇考慮發展姜糖經濟？

商台《叱咤樂壇流行榜頒獎典禮》記者會將於下周在昂坪市集舉行，記者會一如以往預計會有不少歌手出席，當中包括人氣男團MIRROR！去年一班鏡粉（MIRROR粉絲）為支持偶像，特意提前4日到昂坪市集通宵紮營霸位，而今年就有姜濤粉絲（姜糖）在社交平台上透露，一班姜糖早半個月已在昂坪輪班紮營霸位，自成一大片「糖區」！

姜濤粉絲早半個月紮營霸位

近日，有姜糖在社交平台分享「糖區」盛況短片，並在貼文中寫道：「望住依個糖區，乜野辛苦都值得，個區吾（唔）係你噚日上嚟先有，亦都吾（唔）係大會派比（畀）你。個區係20/10凌晨半夜由糖上去昂坪霸位。排左（咗）8日8夜，輪班守住，好辛苦先爭取到返嚟。日頭返工，放工就上昂坪仲有一大堆物資，逐批逐批運上昂坪，衹要為姜濤爭取到最好嘅，乜野都吾（唔）辛苦，乜嘢都係值得。」

人數至少有七八十人

從姜糖分享的影片中可見，於昂坪紮營的姜糖人數至少有七八十人，場面相當震撼，已佔據場地廣場位置相當大一部分！連同其他歌手粉絲佔據的各個區域，基本上廣場位置除了預留作記者會舞台的位置之外，只剩店鋪前一條通道的空間。

網友：政府有冇考慮發展姜糖經濟

而對於姜糖們早半個月輪班紮營霸位的行為，不少網友都表示不理解：「記者會有咩好排」、「政府有冇考慮發展姜糖經濟」、「上個禮拜六3號波佢哋已經喺到」。同時亦有姜糖表示感激：「姜濤與姜糖 好得太過份，無言感激。」、「每位排隊嘅姜家人們～一定要照顧好自己！你哋嘅付出真係唔簡單！」、「姜濤好幸福，做到姜濤嘅姜家人更幸福，姜家人有咁嘅姜家人超級幸福」、「感動到眼濕濕，為咗姜，糖可以去到幾盡」等。

Text: GirlStyle Editorial
Photo Source：FB@商業電台、ViuTV截圖、網上圖片、Threads截圖、IG@姜濤