靚女KOL指控舊愛出軌搭上富婆食軟飯！心碎爆鑊：叫我相信幸福係你，推我入地獄都係你

早前IG擁有超過6萬Follower的KOL Sarah，與曾參加兩屆《全民造星》及參演過《PTU機動部隊》、《黑金風暴》、《戰毒》等電影的容穎賢相戀，兩人不時在網上放閃。但日前女方突然在IG出千字文控訴男方「一腳踏幾船」、「無縫接軌」、「食軟飯」等，引起眾多網民熱議。

KOL Sarah控訴容穎賢出軌兼食軟飯

日前KOL Sarah在IG發帖，大爆前度容穎賢無縫接軌「食軟飯」：「叻仔，無縫接軌終於食到咁大兜軟飯，之前仲成日拎阿姨同小鮮肉離婚單新聞出嚟笑，今日終於到自己接到呢兜軟飯，你唔同我氹到呀姨一億幾千萬唔該你哋千祈唔好分手，白費咗你幾段食人軟飯嘅經歷」，又指與男方拍拖時，對方與舊愛「上海富婆」仍未斷纜，自己發現時整個人震哂，之後對方才哭住跟她說已經處理好自：「你嘅每一段都係Overlap，你有冇反思過咁樣係咪真係冇問題？」。

Sarah又指兩人拍拖約一年時間左右，男方去半山參加聖誕Party時已經「努力追緊阿姨埋佢身」。

男方每次出去飲酒，IG女性朋友都會變多

之後，Sarah又指容穎賢每次出去飲酒後，IG都會多了很多女性朋友，令她感到很不舒服。有次她起疑心好奇男方追蹤了什麼人，怎知名單出現了她完全意想不到的人，她續說：「見過一次玩過一次就要follow，點解我又唔見你follow一堆男仔？仲成日同我講啲女出嚟玩係釣老細，咁你呢啲又叫做係咩？你係真係咁熱愛『交換卡片』，交新朋友？」。

男方分手三日後即刻攬住其他女仔

又提到紀念日原本兩人打算慶祝，但男方卻不斷叫她先回香港，而且表現得非常不耐煩：「直覺話我知，我猜想嘅嘢係即將發生，我有時都好驚自己估得咁準」，於是Sarah斷崖式提出分手，原本想體面分開，不想影響對方前途，但沒想到男方在分手第3日後就攬住其他女仔，之後更對她說甜蜜宣言，令她感到嘔心而決定大爆料：「我淨係想各不打擾就完咗佢，點知你前幾日喺蘭桂坊攬住阿姨出席公開活動，開心完一晚之後．都仲可以繼續打俾我，YOU MAKE ME SICK！9月23號同我講完”老婆一年半快樂” 分手三日即刻攬住其他人，你係咪到呢刻都覺得兩年嚟你玩嘅嘢，我咩都唔知？」。

Sarah：送俾我一個咁震碎三觀嘅下場

Sarah形容分手分得十分順利，男方只說過一、兩句不想分手，她猜測是因為他兩個月後就入行，認為自己可能是阻礙，甩身反而更好，心痛說：「兩年黎我嘅絕對忠誠最單純嘅愛，換你送俾我一個咁震碎三觀嘅下場，估唔到你今日搭上嘅人， 就係當日你會笑人段婚姻，你最睇唔起嘅人，好嘔心」。

男方主動聯絡Sarah指兩人有誤會

其後容穎賢聯絡Sarah，指兩人有誤會，有提到：「嗰日上半山佢嗰時個老公仲喺度喎」、「分手後三日攬住邊個」、「有啲咩令你誤會我同你道咗歉先，但係好哋哋傾兩句得唔得？」，並要求先刪除有關帖文。但Sarah就堅稱前男友與「阿姨」是以情侶身份出席公開活動，又指「阿姨」在兩人拍拖時已經摻雜在他們的感情中，更指「阿姨」凌晨曾觀看她的IG Story：「唔知係八卦我有冇傷心，定係過嚟宣示主權？」。

「阿姨」是知名美容院老闆？

帖文曝光後，眾多網民都熱議Sarah口中的「阿姨」究竟是誰，雖然Sarah沒有透露對方的身份，但就有網民在討論區大爆疑似是Jathy Fong。

對此，Jathy也在IG作出回應，她否認自己有「包鴨」，又強調自己一個月都未必有一次與異性吃飯，以及從來都不會出席活動，一年最多一次，認為當事人不應該亂作故仔，無證據的事不要說，又指該男生不是她喜歡的類型，同時亦十分看開，稱將事件當作是免費宣傳。

不過後來Sarah也在IG轉貼了Jathy的Story截圖，疑似不接受對方的解釋。與此同時，Sarah亦明串前度在阿姨口中只是「鴨」。但其實外人對事件的內容並不了解，真相只有當事人才知道，所以最好還是不要過分猜測。

Text：Girls editorial

Photo Source：IG@KOL Sarah、IG@Jathy Fong