床哥為拉票抽Edan水歡迎爵屎轉投JFYT！致歉文疑再暗諷姜濤，網民：公開踩同行好冇品

打入叱咤樂壇「我最喜愛的男歌手」5強的周殷廷（Yan Ting）與其組合JFFT成員也首次打入「我最喜愛的組合」5強。日前JFFT成員之一的陳鈺麟（床哥）在直播稱假如領獎必定會多謝呂爵安（Edan），暗諷爵屎拉票時竟在台灣與林明禎行夜市，更歡迎爵屎可轉投YT與JFYT，此言論引來姜濤留言「冇品」？

床哥暗諷Edan無視爵屎感受

日前JFFT成員之一的陳鈺麟（床哥）開直播拉票，他先提到：「如果上台拎獎的話，第一個多謝保錡，第二個多謝Edan。我哋會與你同行，我哋投票階段唔會去台灣」，直言之前落區拉票時，遇到最多的就是爵屎，稱：「當我哋見到佢哋好用心拉票時，去到好夜返屋企，發現佢喺台灣happy緊，我都唔識形容，一定係百般滋味在心頭。放心，我哋JFYT會與你同行，歡迎爵屎加入JFYT大家庭」，更歡迎爵屎可轉投YT與JFYT。

言論引來大批爵屎不滿

言論一出，即引來大批爵屎和鏡粉不滿，指床哥居然為了拉票而落井下石，留言：「估唔到你咁無品」、「好後悔投咗畀JFFT」、「自己都係公眾人物，仲公開踩同行，真係好冇品」、「點評人地私生活同爵屎拉票嘅事去說三道四為自己拉票，真係令我大開眼界」等，但也有支持JFFT的粉絲認為只是事實陳述，認為爵屎的反應太激動，說：「可能真係太真或太串，但係佢哋講嘅嘢又真係冇錯個喎」。

而姜濤事後亦在Threads留下「冇品」兩字，疑似不滿床哥的行為，被網民大讚有義氣，更有未投票的爵屎表示打算將票投給姜濤。

致歉文被指諷刺姜濤

隨後床哥即在IG story發文：「完全係我自己既責任，品德真係太缺了...」，表面上是致歉，但就有姜糖發現貼文的字眼及格式完全是翻炒當年姜濤因不小心讚好「鬧廢青」貼文，而自嘲手指肥的致歉字眼，令網民認為他根本不是真心致歉，而是諷刺姜濤，疑似是想將事件繼續愈滾愈大。

Text：Girls editorial

Photo Source：IG@周殷廷、IG@JFFT、IG@呂爵安、IG@姜濤、IG@床哥