床哥批姜濤「未了解件事就衝出嚟」！喊話：我冇品喺邊度先？強調與Edan有共識係講笑

最近JFFT的成員床哥在直播為拉票抽Edan水，引來姜濤留言「冇品」，還在出席活動時重申「唔係一句講笑就可以冇事」，惹來床哥在IG個人介紹中寫上「有品」，事件繼續發酵。昨晚JFFT全體成員包括周殷廷（YT）一同開直播，期間床哥疑批評姜濤「未了解事情就衝出嚟」？

床哥強調「抽Edan水」純屬玩笑

昨晚JFFT全體成員一同直播，為「抽水拉票」一事作回應。床哥先表示自己沒有抹黑任何人，強調只是客觀陳述所見事實，起初以為「抽水報道」只是小事，因為相信觀眾會看得出一定是玩，不是刻意攻擊，但沒想到「突然有位師兄走出嚟，我懷疑佢唔知頭唔知路，未了解，而家好多上網嘅人係冇批判性思考，亦都唔會了解個事情係乜嘢，我有睇佢今日個訪問『大家互相尊重、大家了解多少少』佢成個訪問，可以用返落佢自己嗰度」，又說：「佢無好好與隊友溝通，就咁衝出嚟」。

對姜濤喊話：我冇品嘅地方喺邊度先

床哥透露已與Edan道歉，又指透過周殷廷與Edan有少少溝通，大家都有共識只是開玩笑，更指將來有機會可以邀請對方上節目，但「件事而家發到好大，其實係唔想見到」。他提到事後收到不少「冇品」私訊，因此對姜濤喊話：「如果你話我冇品，唔該你列出我冇品嘅地方喺邊度先，唔係就咁擺低兩個字『冇品』。我唔認為突然衝出嚟，一句『冇品』，令事情收拾唔到」。

對於發佈致歉文被指諷刺姜濤，床哥解釋同樣只是「抽水」而非故意製造紛爭。他又強調「抽水」言論，周殷廷事前是不知情的，不想因而連累到隊友。

周殷廷理解姜濤保護Edan

周殷廷也提到已即時向Edan道歉，對方亦表示理解是玩笑，對事情來到這個地步感到可惜和不幸。至於姜濤的發言，他則表示理解他的行為，明白他是想保護Edan，覺得他是一個好隊友。

Text：Girls editorial

Photo Source：IG@周殷廷、IG@JFFT、IG@呂爵安、IG@姜濤、IG@床哥、JFFT@視頻截圖