張敬軒揭借獎予Ian一事「不忍心佢浪費時間」，再指live相當唔好：但都知叱咤音響向來係挑戰

Mirror成員陳卓賢（Ian）在叱咤頒獎典禮獲獎時，在台上公開多謝張敬軒，提到會將對方之前放在他家的「男歌手金獎」還給他。因此張敬軒日前就發文向網民交代此事的來龍去脈，並指Ian唱live炒車確實相當唔好！

曾在Ian身上看到以前的自己

日前張敬軒發文提到兩年前認識Ian時，覺得對方不苛言笑，又很少跟人對話，給他一種處於焦慮和憂鬱的感覺。隨後兩人慢慢熟絡後，他在Ian身上看到以前的自己，經常散發出一種對前路茫然的感覺，所以他不忍心對方浪費自己的青春和時間，於是決定教導他如何重新打開自己，調整自己的能量。

將自己男歌手金獎獎座放在Ian枱頭

張敬軒續說：「於是我有一晚抽起條筋，我話陳卓賢你喺邊？我攞樣嘢畀你。於是我的咗個嗰年嘅男歌手金獎獎座畀佢，我同佢講，好老嚟㗎，你擺佢喺你寫歌嘅嗰張枱嘅枱頭。望下望下就有㗎啦，你要鞭策你自己，學我老闆話齋，做人要爭氣！要為自己爭氣！於是條友攞返屋企，擺咗喺枱頭，影咗張相畀我，就係咁」。

直指Ian唱live炒車「相當唔好」

之後張敬軒又透露Ian叱咤當晚已漏夜與同事一起歸還獎座給他。而對於Ian在叱咤台上唱歌的表現，張敬軒就直指表現不好：「我有話畀佢聽尋晚唱live炒車，相當唔好。當然我哋行內人知道叱咤台個音響咁多年以嚟都係一個挑戰。但係我同阿陳講，我跟過甄妮、朱咪咪、陳潔靈、肥媽呢啲前輩搵食，無論個音響幾有問題，一上台揸住支咪，紮實嘅唱功就硬硬正正咁樣喺嗰度！我有同佢講：無論因為乜嘢原因，自己當晚表現唔好嘅話， 就好好記住呢種唔開心嘅情緒，唔好放過自己，將呢種情緒變成你去訓練去進修嘅動力」。

Ian承諾會越來越好

張敬軒亦交代Ian當時的回答：「我一定會再練多啲，一定會越來越好！」另外，張敬軒亦大讚姜濤的唱功進步了很多。

Text：Girls editorial

Photo Source：IG@張敬軒、IG@陳卓賢