張敬軒粉絲以70萬競投親筆簽名黑膠碟！軒公被天價嚇窒，網民：個價以為拍賣緊你本人

早前張敬軒與團隊營運了一個拍賣網，給予Fans Club會員參與，收益將作Fans Club營運。但日前他在IG出帖，提到出售的2022年REVISIT演唱會黑膠唱片，兩張編號0201及0000，竟分別投出逾70萬的天價數字，令他認為偏離了他的初衷，最終決定向投得者收回拍賣品。

張敬軒認為違背了開設網站的初衷

日前張敬軒出帖提到成功賣出的兩隻黑膠唱片，價錢分別是$710,750及 $703,500，對於投出天價數字，他表示：「嘩，我真係唔知講咩好」，同時亦多謝大家踴躍參與。隨後他就指成立拍賣網的原因，是因為他與團隊希望有一個安全的地方，讓會員可以有機會收藏到他的收藏品，但賣出兩張黑膠唱片所得的價錢已超出了本身的物理價值，亦違背了開設網站的初衷。

最終向投得者收回拍賣品

所以後來經過內部商討後，決定向兩位投得者收回黑膠碟，他說：「我哋聯絡咗拍得呢兩隻黑膠嘅兩位朋友，亦都解釋咗我哋做呢一個auction section嘅初衷同理念，好多謝呢兩位朋友嘅體貼同埋諒解，呢兩張黑膠唱片會由HCFC 重新收回，連同原本稍後推出嘅25張特別編號黑膠唱片暫時一併封印，等待將來有更合適嘅場合，再話畀大家知可以點樣參與」 。

最後他再多謝大家的厚愛及熱情：「我收到曬，我呢兩三日回一回氣，就出山㗎喇，大家都要好好哋呀，知嘛！記住，大家都要好呀」。

網民：大家都係想收藏你姐

有網民留言：「望住個價錢升得快過恒指都真係嚇一嚇」、「知道你對歌迷好，唔想大家亂花大錢」、「呢個銀碼會唔會太驚嚇」、「呢個價少一個零都搞唔掂」、「呢個決定冇錯，唔應該俾人咁樣玩爛個系統」、「大家都係想收藏你姐」、「個價錢得人驚到有人仲以為係拍賣緊你本人」等。

Text：Girls editorial

Photo Source：張敬軒@IG