姜濤自揭感情世界與應對負評心態！主動提及王晶犀利言論，稱姜糖是最好的粉絲

日前姜濤在《呂濤米Lo花SonShow》中與經理人黃慧君（花姐）進行了一場坦誠對談。剛考獲「P牌」的他被迫駕車，但幸好駕駛技巧尚算不錯，甚至調皮地加速嚇唬花姐。在對談中，姜濤坦言現時不適合戀愛的原因，以及對導演王晶批評言論的看法。

坦言現階段不適合談戀愛

在車程中，花姐問及姜濤對未來女朋友的期望，他說：「最好長頭髮，得得意意」，但被問及為何至今仍單身時，姜濤就坦言身處娛樂圈，私生活備受關注，因此難以認識異性，也認為現階段不適合談戀愛，畢竟感情是兩個人的事。

主動回應王晶的批評言論

在餐廳對談環節，姜濤主動提起王晶在網上對他無故批評，甚至叫他「滾出娛樂圈」一事。花姐透露當時看到新聞後，曾氣憤到想發文反擊，但被同事阻止：「當日睇到新聞，我即刻同同事Mary講，我而家好想出story，我要點點點話佢，但Mary阻止我，叫我唔好咁激動，後來諗返都係得啖笑」，姜濤被批評表示不解：「我乜都冇做，連story同IG都好少更新，都無啦啦畀人話」。

姜濤反過來勸花姐冷靜

姜濤坦言內心有些不開心，還苦笑自己經常被罵上熱搜，也疑惑為何總是成為眾矢之的。花姐為他抱不平：「你要接受可能係你知名度最高，我都唔開心係永遠好嘅就唔會扯到姜濤，所以外邊唔識姜濤嘅，就永遠都接收到唔好嘅嘢，我好嬲，story都打晒出嚟想po…」，姜濤聽後反而勸慰花姐：「唔好咁衝動，你入行幾多年呀，仲唔冷靜過我！」。

強調會虛心接受外界批評

談及如何處理壓力，姜濤笑稱自己「很中二病」，會把這些批評記下來，希望有朝一日能證明自己。但他坦言放下或無視這些外界意見並非易事：「我哋又唔係和尚，換轉以前嘅我，可能都想出story，不過可能經歷多咗，就明白點樣處理」。他又表示會虛心接受外界批評，若有錯誤定會改進，再說：「鬧還鬧，畀吓面，咁都鬧少啲，和氣生財嘛」。

認為姜糖是全世界最好的粉絲

談到與粉絲「姜糖」的相處，姜濤則說：「佢哋嘅心意，對我所做嘅嘢，我認為係全世界最好嘅fans」。他透露前幾天生日時曾對粉絲說：「唔好當我係神，你哋世界唔好只有我，唔可以咁樣……總有一天，如一句『天下無不散之筵席』，希望有日你哋都有自己人生，唔好諗到我哋係最重要，將自己再諗得再重要啲」。

姜濤也坦言沒有人是完美，面對粉絲也會客觀指出他們需要改進的地方：「我唔希望fans只係會讚我，花姐話齋，呢行只一味讚你，未必係好人，肯提點你缺點嘅人先係好」，他形容粉絲確實進步不少，現在若遇到批評或攻擊，不少粉絲已懂得先保持冷靜。最後他向粉絲喊話：「所以以後有咩事，唔使急住為我出頭，我自己搞得掂，大家可以放心」。

Text：Girls editorial

Photo Source：截圖@呂濤米Lo花SonShow、IG@姜濤