睇到好心噏！田蕊妮、簡淑兒母女互摑一幕掀高潮，杜汶澤：我老婆依家做戲真係好犀利！

無綫劇《迷》由播出開始口碑一向不俗，由視帝鄭嘉穎伙拍視后田蕊妮這個無敵組合，鄭嘉穎駕馭貪生怕死又「縮骨」的角色既生鬼又不會令人反感之外，而另一亮點就落在早前田蕊妮、簡淑兒母女互摑一幕，睇到人超肉緊啊！

《迷》的劇情講到野蠻女簡淑兒聯同金剛夾計勒索阿媽田蕊妮，阿田發現真相之後當然嬲到震！

Photo from TVB

雖然勒索阿媽劇情堅離地，不過亮點就落在田蕊妮、簡淑兒母女互摑這一幕，網民更大讚兩個都好好戲！

Photo from TVB

任性女簡淑兒被阿媽摑完唔順氣，即刻一巴回敬落阿田～阿田好戲就是意料之內，不少網民指簡淑兒喊到撕心裂肺嘅演出完全係意料之外！

Photo from TVB

Photo from TVB

而尋晚的《迷》講到知道自己個女被殺之後，阿田認屍一幕都絕對係高水準之作！真係喊到鼻都紅埋，絕冇欺場～

Photo from TVB

尋晚嗰集《迷》雖然喊足幾個場口，但阿田每次都交足戲！

Photo from TVB

播出之後網民都大讚做得好好，而阿田自己亦係Facebook話：「諗返都唔記得自己當初點解可以做到」認真謙虛！

Photo from TVB

出名恩愛嘅田蕊妮同杜汶澤不時都係Facebook放閃，阿田尋晚嘅演出令老公阿澤都忍唔住影低大讚！真係喊到「肝腸寸斷」～

老公杜汶澤亦笑言：「我老婆依家做戲真係好犀利，唔夠佢嚟！」而阿田亦都係下面甜蜜回應：「有冇角色啱我呀導演」，大放閃光彈！

睇嚟隨住阿田同鄭嘉穎嘅相遇，《迷》嘅劇情應該會開始進入高潮，大家繼續期待期待啦～希望唔好爛尾啦！

Source: TVB screencap, Facebook