性格比靚樣更重要！10個「GFABLE」好女友特質，GFABLE其實比女神更難得！

近年香港網路興起一個叫「GFABLE」詞語，專門形容一啲令到男仔好有衝動同你一齊嘅女仔！要成為人見人愛「GFABLE」嘅女仔，究竟要擁有咩特質呢？

1. 性格爽朗唔造作

成日話港女好「扭扭令令」，問佢去邊度食飯答無所謂，但提議後就好有所謂！如果你係個唔介意食得平，又唔介意食大排檔嘅女仔，呢種隨和又爽朗嘅性格已經拎哂分！

2. 玩得唔小器

作為一個「GFABLE」嘅女仔，絕對要有令男朋友帶你出去同班FRIEND玩嘅時候，可以做到毫無隔膜又融入到！ 所以你一定要玩得，開得玩笑～咁當然妳平時對住男朋友都唔可以成日耍小姐脾氣先至稱得上「GFABLE」啦！

3. 個樣唔一定好靚但就好PURE好TRUE

其實好多「GFABLE」嘅女仔都唔一定靚過天仙！都係嗰句：相由心生呀嘛～你心地好，個樣就自然順眼！不過男仔普遍都覺得「GFABLE」一定唔會係成日化濃妝嗰種女仔，最好就化少少淡妝/素顏，有啲鄰家女孩FEEL就最perfect！

4. 在適當時候撒嬌

邊個話撒嬌女人最好命？句野應該係「識係適當時候撒嬌嘅女仔先係最好命」！要成為「GFABLE」嘅女仔，唔會下下都撒嬌要男友幫/錫，反而平時可以獨立，但係就係男友需要存在感嘅時候撒嬌，呢種女仔先最得男仔歡心啊！

5. 對住男仔女仔都係一樣態度

好多女仔對住男仔就陰聲細氣，但對住男仔就一秒變聲！稱得上「GFABLE」，首先你一定唔會係個造作嘅女仔～其實做到呢一點，無論男仔女仔都應該會幾鐘意你嘅真性情！

6.有時可以好麻甩但又可以好LADY

雖然話男仔一般都對一啲女神級嘅女仔充滿想像，不過要搵女朋友當然要揀啲貼地啲！如果你可以做到麻甩起上嚟好麻甩，要LADY嘅時候又可以好LADY，形象百變又唔矯揉造作，正！

7. 愛笑

其實無論男仔女仔，都會鐘意同啲好樂天成日笑嘅人玩～鐘意笑嘅女仔係特別有吸引力！（咁當然唔係叫你假笑啦）而且笑即係代表你覺得開心/滿足，易滿足識感恩嘅女仔，對於男仔嚟講當然係一級棒！

8. 孝順

唔好話男仔要顧家啦，其實女仔孝順都好charm！唔識do嘅話，點帶你返屋企見岳父岳母先～如果可以做到當男友屋企人係自己家人咁對待，絕對大加分！

9. 識得搞氣氛

無論你平時對住男朋友幾識搞氣氛都好，如果一帶你出嚟就靜哂嘅話就......GFABLE嘅女仔通常性格都大癲大肺、癲癲得得咁最吸引人！