有一種相襯叫洪永城黃翠如！《瞞婚》修成正果做幸福夫妻，你最鐘意咩組合嘅佢地？

近日大台熱播的《我瞞結婚了》中，被譽為最登對螢幕情侶的洪永城、黃翠如終於修成正果做幸福夫妻，劇中也有不少親熱耍花槍的戲份，觀眾反應亦都超like！你又最喜歡那個時期的他們呢？

《走過浮華大地》

由有線一起過檔到無線，永城同翠如BB一直唔介意用情侶檔身份示人，顯然觀眾亦都非常受落！兩人合作拍攝的旅遊節目永遠都係收視保證，因為觀眾最BUY佢地自然又SWEET嘅互動～對於佢地疑幻疑真嘅關係，唔少觀眾亦都一路認定佢地係情侶！

《走過足球聖地》

難得有一對入到屋嘅情侶檔，大台當然唔會浪費佢地嘅叫座力～旅行節目開完一個接一個，慘得過觀眾又真係睇極唔厭！大家一直覺得佢地嘅關係係友達以上戀人未滿，而因為TONY嘅花心形象亦都深入民心，所以個個都覺得係「襄王有心、神女無夢」！

《愛我請留言》

終於恨到大台開套屬於佢地嘅劇，但可惜入面嘅茹初見同張日熙原來只係錯配情人，睇到觀眾心都噏埋！

而最心噏嘅係，係劇集播出嘅同年，蕭正楠公開承認與黃翠如相戀......好多觀眾對於城如戀嘅幻想一下間破滅哂！而當呢一張拖手相係網上面瘋傳之後，個個都覺得永城同翠如BB真係天生一對！只係佢地都已經有自己公開嘅另一半....

公開左戀情嘅佢地仍然不避嫌咁打情罵悄，不過大家都覺得已經冇左當日嗰種唔知係真定假嘅美麗幻想～

《我瞞結婚了》

經過咁多風風雨雨同揣測，終於有套劇係修成正果，攞正牌做夫妻（不過最尾都好似係錯配....），不過都起碼比觀眾實現下當日對tony同翠如嘅幻想啦～

有一種螢幕情侶就係，你明知佢地冇可能一齊，但你仍然會好想見到佢地一齊！

如果有時光機，我寧願返返去佢地兩個都未公開戀情嗰陣時，咁起碼仲可以「以為」佢地真係一齊啊！

不過睇見佢地同另一半都咁sweet，都希望佢地都真係搵到自己嘅幸福！

Source: instagram、weibo