女大18變！6個由醜小鴨變女神嘅女藝人，你又覺得邊個最靚？

相信所有女仔都經歷過，當人地見到自己八達通細個張相嗰時，都會比人問：吓？呢個真係你嚟架？嗱，小編絕對冇錢整容，但細個同宜家都真係差好遠下，所以真係唔好睇小女大18變的威力！今次中立小小，以下呢6個由醜小鴨變女神嘅女明星，你又覺得邊個最靚？

Angelababy

你冇估錯！醜小鴨變女神嘅代表又點少得Angelababy～（其實都講唔上係醜，只不過before&after真係太誇張啫！）

未箍牙前好hard core啲相大家都睇唔少，小編今次搵返啲學生時期嘅Angelababy！

咁老實講句，以學生妹嚟講，箍咗牙嘅Angelababy絕對有成為校花嘅潛質～

作為一個人妻同媽咪，Angelababy又真係仲keep到陣女神feel～

之前baby就搵醫生做哂測試咁證明自己100%純天然，如果係真嘅話，都絕對係變天鵝嘅有力代表嘅～

岑麗香

作為國際中華小姐同埋溫哥華華裔小姐冠軍嘅香香，原來讀書時期都唔係話特別有女神光環～

其實香香公主唔算有好大脫變，大個咗啲baby fat減左之後，五官亦都變得細緻咗，成個女神feel出哂嚟！

作為女仔，都真心覺得香香好正！咁精緻嘅五官再配埋香香咁可愛嘅性格，兩個字：女神！

謝安琪

唔知大家憑呢張小時候嘅相，又估唔估到佢係邊個呢？

其實我發現，大家覺得女大18變嘅女星，通常都有箍過牙！搞到小編都想箍下睇下係咪真係咁神奇～阿Kay出道嗰時擺明就係行實力路線嘅......

但係自從做咗人妻之後就榮升最索人妻，成為唔少男仔心目中嘅女神！

咁睇返啲相，話佢由醜小鴨變天鵝真係一啲唔誇張～D女人味出哂嚟之餘，仲多咗一份獨特嘅韻味！

傅穎

其實COOKIES時期嘅Theresa絕對擁有一張清秀嘅臉龐啊～

雖然講唔上係個靚女，不過起碼望落順眼同自然！

不過自從解散單飛出寫真之後，Theresa搖身一變變咗超V面嘅「公仔樣」，實行行女神路線主攻宅男market！

Theresa自己就否認有整容，而且仲出埋片教大家點樣可以化到好似整咗容咁添！至於有冇整，就真係有待查證喇～

簡淑兒

早排因為《迷》彈起咗嘅簡淑兒，就畀人搵返之前參選港姐時期嘅相，短短幾年已經有好大變化！

以前嘅佢絕對稱唔上女神，但係宜家嘅佢就憑住好似公仔般嘅面孔迷到唔少男士！

雖然有好多網民都覺得佢有整容，不過簡淑兒都堅稱自己個樣其實冇變過！

趙展彤

唔知大家仲記唔記得左手邊嗰位小妹妹？冇錯佢就係曾經參加過《超級巨聲》嘅趙展彤！

雖然歌唱實力有返咁上下，不過當時唔少觀眾就覺得佢太老積，仲改咗個花名叫「死魚眼」.....

鐘意唱歌嘅趙展彤冇放棄過佢唱歌嘅夢，所以之後亦都北上參加過《中國好聲音》，當時都絕對未係佢身上睇到任何成為女神嘅條件～

不過慢慢大個女之後，趙展彤個樣同打扮都開始變得更女人更成熟～

嘩！真係同一個人嚟？呢個擁有瓜子面，炯炯有神大眼嘅女神邊位嚟！可唔可以教下小編個妝點化（淚奔～）

冇錯～佢都仲係趙展彤！而且聽講佢已經準備出道再闖樂壇....唔知大家又支唔支持呢？

嗱，小編就絕對中立！佢地個個都真係驗正咗女大18變嘅道理，雖然點變嘅過程就唔清楚（帶頭盔先～）不過小編都好相信「只要懶女人，沒有醜女人」嘅道理，加上宜家啲化妝技巧咁進步，靚咗都真係唔係冇可能嘅！

Source: instagram/pinterest/facebook