有種魅力叫大叔！盤點6個「愈老愈有魅力」型佬，係小鮮肉永遠比唔上嘅男人味～

近期韓國興起一陣「大叔控」熱潮流，邊個話一定係小鮮肉先至吸睛！小編覺得韓國所謂嘅大叔其實都仲係屬於偏小鮮肉feel.....等香港人話比你聽咩係真正嘅型佬啦！以下6個愈老愈有味道嘅型佬，你最鐘意邊個？

苗僑偉（三哥）- 58歲

講到最有味道嘅型佬，真係唔可以漏左三哥！你明唔明，三哥有嘅係一種小鮮肉永遠比唔上嘅男人味～

拍埋同期嘅男藝人身邊，三哥絕對係焦點！雖然年紀係大叔，不過個look就成個公子咁款～

就算拍埋bosco度都冇得輸！呢啲咪叫做歷練囉～

三哥係新版《射鵰英雄傳》飾演黃藥師，被譽為「地表最型」的東邪！

除咗有型之外，三哥仲出名係愛妻號，咁型嘅外表加埋咁好男人，完全加分啊！三嫂真係幸福～

方中信 - 54歲

咁耐冇係大台見過方中sir，原來方中sir密密拍緊拍內地劇搵人仔！上年係大陸熱播嘅《羋月傳》收視就超高，相信大家都好想佢回歸香港拍下劇～

小編覺得方中信最剎食係對眼，笑起上嚟真係好正！

原來方中信仲係一個愛狗之人，一個外表咁剛強嘅男子漢原來都有一顆溫柔嘅心～

方中信一向都係娛圈出名的慈父，成日都成家人出動去玩勁SWEET架！

吳岱融 - 58歲

58歲嘅吳岱融憑住「鷲哥」一角成功入屋，講真有邊個CARRY到呢頭白髮仲要咁有型！

吳岱融後生嗰時雖然唔算係特別靚仔，不過就青靚白淨，而且即使老咗個樣好似都冇變過！

唔係個個留鬍都有型，吳岱融就完美演繹咗咩叫滄桑同歷練感！

好似成為咗御用嘅「鑽可王老五」角色，吳岱融嚟緊終於有得試下其他戲路！著起一身飛虎裝，絕對唔覺得佢老，只係覺得佢型！

任達華 - 62歲

咩話？原來任達華已經62歲，完全唔似啊！

拍埋韓星度都絕對冇比下去，呢啲叫氣勢！

有返上下年紀，要KEEP住咁FIT都唔係一件易事，不過任達華絕對做得到！

真係好唔公平，女人愈老愈走樣，男人反而愈老愈吸引！

甄子丹

睇到呢隻手瓜，我諗大家都認得出佢就係宇宙最強甄子丹！

又打得，又睇得，一笑起上嚟真係電力十足！

大叔就係有一種魅力，就算係拍埋男神神級人馬旁邊，都完成唔會比下去！

而且個個型佬都仲要係絕世好男人，公平咩呢個世界！

吳鎮宇  55歲

細細個睇住吳鎮宇做嘅SAM哥已經覺得好有型！

一望到SAM哥，你就會覺得好有安全感嘅感覺～

認真起上嚟可以好認真，但玩起上嚟都絕對可以好癲，呢個就係吳鎮宇！

Source: weibo