影帝會花落誰家呢？！第36屆香港電影金像獎入圍男主角5強，你最睇好邊個？

每年的香港電影金像獎也是演藝圈中的一大盛事，絕對是大中華地區電影界一個重要獎項及華語電影其中一項極高殊榮！今年踏入了36屆，頒獎典禮訂預於2017年4月9日晚上在香港文化中心舉行，而每年討論極高的一定是男女主角花落誰家？第36屆香港電影金像獎入圍男主角，你最好邊個？

1. 吳鎮宇飾 田一雄《脫皮爸爸》

一見到吳鎮宇，大家都一定諗起我哋帥氣嘅SAM哥！而今次於《脫皮爸爸》則飾演89歲年老爸爸，本來命不久矣嘅佢卻甩皮慢慢逆齡生長，回復青春！在劇中因要由一個89歲慢慢變為19歲，完全將每個年齡都演得出神入化！

當然除咗演技，都要靠專業嘅化妝幫助，為咗角色，吳鎮宇更花苦功努力減磅操肌，「化妝化4個鐘頭，拍足14個鐘頭，再俾12日你，減20磅操四嚿腹肌，變成一個廿幾歲的人，我第一次知道，原來肌肉可以痛到你喊、嘔、暈。」雖然鎮宇都表示辛苦，但可以演到一個好嘅角色，一切都值得！

吳鎮宇之前已三度提名金像獎，當中於《公元2000》電影中得過一次最佳男配角獎，唔知今次會唔會有機會得到影帝嘅寶座呢？

2. 梁家輝飾 李文彬《寒戰II》

梁家輝已經四次摘得香港電影金像獎最佳男主角獎，係香港電影金像獎歷史上最年輕嘅影帝，今次再憑《寒戰II》被提名最佳男主角，相信今次獲提名好多影迷都不感意外！

係《寒戰II》再度集結左一眾有實力嘅演員，如梁家輝、郭富城、周潤發、楊采妮、彭于晏等，再次強勢打造出金牌港片嘅續作！而梁家輝係戲中飾演嘅前警務處副處長當然都難唔到佢！不論嚴肅到搞笑，癡情漢到大反派，都一樣駕輕就熟！

3. 余文樂飾 黃世東《一念無明》

而余文樂憑《一念無明》首度獲提名，他放棄了一貫潮人的形象，飾演患有躁鬱症並誤殺母親的黃世東，令他能挑戰到不同的戲路，發揮出更有層次的演繹，令演技有所突破，相信大家都一定有目共賭！

余文樂為了全心投入躁鬱症患者的角色，不但事前用心與導演詳細溝通各個細節，為了節省拍攝資源，更把其戲份減至14天內完成，令他從早到晚都經歷到各種情緒起伏不定狀態，絕對是講求演技之作！

「這十四天，感覺拍了很久很久，有一段時間不想見到導演，一看見他就想起當時的痛楚。」雖然拍攝過程辛苦，但於多倫多影展及各地放映中卻獲得高度評價，努力始終會被受認同！

4. 任賢齊飾 葉國歡《樹大招風》

小齊自2000年《星願》提名「最佳新演員」後，今次係十七年後第一次再次得到金像獎嘅提名，而且係最佳男主角，多年的努力，演技亦開始備受肯定！

故事係真實人物改編電影，以三位香港頭號通緝犯作為主題，將故事的時間線設定在九七回歸前，相信好多香港人都一定知道哩件事！向來都係好好先生印象嘅任賢齊今次為了角色剃了平頭及留咗鬍子，看起來更加兇殘，超符合角色設定！

以小齊多年嘅演技，加上飾演過寬廣戲路，加上多次擔任男主角，相信好多人都會替佢開心！而當小齊知道咗提名後都表示好開心，但就希望係同劇好兄弟林家棟獲獎，而自己就有提名已經好滿足！

5. 林家棟飾 季正雄《樹大招風》

同任賢齊為同劇男主角林家棟亦憑《樹大招風》首度獲提名，而早前已贏得香港電影評論學會最佳男主角的林家棟看來氣勢強勁，更為佢亦金像獎頒獎禮前打咗支強心針，亦有網民覺得林家棟看來影帝呼聲高！

林家棟在劇中的壓抑個性，令大家都感到精準到位，演技無得輸！家棟亦表示好開心有提名，不過不論結果係點，提名就已經證明到過去嘅努力係冇白費！

家棟係1988年參加電視藝員訓練班而入行，當中拍過多部TVB電視劇而為人所熟悉，由電視台拍劇轉戰到大螢幕，演技亦開始變得更有層次，更有深度，多年黎嘅努力相信會有好嘅成果！

每位男主角都演技非凡，唔知選邊個好添！

Source: Youtube