5套都值得大推！今屆香港電影金像獎最佳電影入圍5強，投選你心目中嘅最佳電影喇！

香港都推出咗唔少佳作，每套電影不但製作認真，而且陣容頂盛，而今年哩5部電影嘅呼聲都相當高，唔知你地係咪都有睇哂2016年上映嘅哩5套入圍咗金像獎嘅最佳電影呢？你哋心目中嘅最佳電影會係邊套？

1. 《七月與安生》

這部電影係改編自女作家安妮寶貝嘅同名短篇小說，講述兩個由13歲開始相識嘅女生（七月與安生嘅成長、共同的情感經歷等）！而主演嘅馬思純及周冬雨更憑藉《七月與安生》共同獲得第53屆金馬獎最佳女主角獎，為金馬獎歷史寫上嶄新一頁，這部電影更成了第36屆香港電影金像獎獲得最多（12項）提名的嘅電影～

2. 《美人魚》

《美人魚》係繼《少林足球》之後周星馳第二次係廣東拍攝嘅電影，大部分外景都係深圳～故事係講述大富豪劉軒嘅地產計畫涉及填海工程，威脅靠海為生嘅居民，單純善良嘅珊珊背負美人魚家族秘密被派遣前往復仇，二人係交手過程中更互生情愫。而電影上映至2016年3月，以全球5.53億美元票房正式成為世界史上最高票房嘅非好萊塢電影！

3. 《寒戰II》

為2012年電影《寒戰》嘅續集，故事講述經過寒戰行動後，劉傑輝雖然升任警務處處長，但昔日嘅兇徒仍逍遙法外，並把行動進一步升級，綁架了他妻女，為了拯救妻女，不惜一切要與身邊嘅同僚進行權力博弈！電影不僅獲得第53屆金馬獎3項提名，更獲得第36屆香港電影金像獎10項提名！

4. 《樹大招風》

此片改編自季炳雄、葉繼歡和張子強的真實犯罪案件！而本片係3位只有三十歲左右嘅香港新晉年輕導演用咗5年時間沈澱一部戲，用三年半為劇本籌備，十八個月嘅拍攝與剪輯，製作相當認真，電影亦受到觀眾肯定!影片在第66屆柏林國際影展的新電影國際論壇首映，亦是第40屆香港國際電影節嘅開幕影片～

5. 《點五步》
此電影係一部青春自主之作，改編自香港80年代初首支華人少年棒球隊「沙燕隊」嘅成立，並隨即於第二年擊敗日本隊伍，奪得香港少棒聯盟公開賽冠軍嘅真實故事！電影更獲選為2016年第四十屆香港國際電影節嘅參展電影之一，係3月26日及4月2日放映兩場，門票更於開售後半小時及數小時後旋即相繼爆滿～

仲未睇哂5套嘅就快啲係金像獎頒奬典禮前(2017年4月9日)睇番啦～

Source: Youtube