令人聽出耳油嘅組合！有佢哋合唱一定可以成為經典歌曲，最想睇邊對神級歌手同台演唱？

每次係演唱會都有邀請嘉賓環節，有時一啲歌手組合真係好正，令人聽出耳油，但其實只係唱一兩首，真係會未夠喉！唔知大家又最想睇邊對神級歌手同台演唱呢？

1. 周杰倫Ｘ陳奕迅

周杰倫同陳奕迅哩對組合簡直係無得輸，兩位神級歌手每次出場都引來一場哄動，每首歌曲都直入人心底處，仲記得佢地一齊合唱過《淘汰》，絕對令人一聽上引呀！

2. 彭羚Ｘ容祖兒

當時彭羚做黃偉文演唱會嘉賓之一，一出場不但引起大家高呼支持，同容祖兒合唱《心淡》引來極大迴響，甚至網民更想彭羚復出！不過哩個希望應該都幾渺茫喇

3.林憶蓮Ｘ張惠妹
兩位唱得之天后唱功絕對係無庸置疑，佢地一出場就知道一定又叫歌迷聽出耳油啦～

4.周杰倫Ｘ林俊傑
除咗周杰倫同EASON嘅合唱無得輸，周杰倫同林杰傑嘅合唱亦令好多歌迷都心動，哩首《算甚麼男人》其實小編都已經LOOP咗好多次(笑)～

5.曹格Ｘ蕭敬騰Ｘ楊宗緯
唔知大家仲記唔記得2007年時，蕭敬騰同楊宗緯參加台灣嘅超級星光大道時，曾經同曹格一齊唱過《背叛》，雖然已經過咗好耐，但直到而家，聽番佢地嘅合唱都會令人相當感動，希望佢地將來都仲有機會再合唱啦！

6. 香港四大天王

香港四大天王劉德華、黎明、郭富城同張學友絕對係香港人嘅集體回憶呀！每次見到佢地一齊出場心入面都會好感動，不過隨著各人都有唔同嘅發展，想佢地同台演出真係買少見少呀！

Source: Youtube