相差22年成功攻「城」！方媛爸激動把女兒付託城城：我從小聽你的歌長大，希望你好好對待她！

51歲郭富城同29歲中國model方媛雖然只係拍拖短短兩年，除咗一直愛得高調之外，仲成功攻「城」入屋！明明上個月先入紙神秘註冊，噚日就低調擺酒迎娶方媛，唔通真係另有內情？

雖然年紀相差22歲，但兩人仍然愛得高調，不時係微博隔空傳情～

郭富城就係噚日傍晚公開兩人婚紗照，感覺型格沉實，貫徹城城作風～

成個老襯，從此被困咁樣嘅城城噚日係香港半島酒店低調擺酒，雖然低調但大家仍然都好關注呢場天王婚禮！

伴郎團方面，有男神好友chilam幫手，令到婚禮生色不少！

方媛一共換咗兩套禮服，其中一套就係傳統嘅紅ｘ金色裙褂，手上亦都只係戴住簡單金器～不過大家都覺得裙褂睇落好似有啲鬆身，唔通真係有咗？

而早前天王嫂亦都係Instagram post咗一張低踭婚鞋嘅相，令人不禁聯想奉子成婚嘅傳聞！

不過兩人係婚禮上深情對望，旁若無人咁款，滿溢幸福感覺～

而另一套就係飄逸公主傘裙款嘅婚紗，不過一對新人仍然冇對有喜嘅消息作出回應～

而婚禮嘅另一亮點就落係方爸爸身上！據稱方媛爸媽見證愛女修成正果都表現好欣慰，方爸爸係婚禮上對城城仲笑言：「我從小就聽你的歌長大的，現在我把女兒交給你，希望你好好對待她。」

由於城城同方媛相差足足有22歲，所以大家就推論方媛爸嘅歲數應該同城城差唔多，所以方爸爸咁講都絕對有道理～（笑）

雖然外界對呢段婚姻反應好似有啲保留，不過愛情呢家野外人又真係好難明嘅～希望天王同天王嫂可以幸福快樂！

source: weibo