媽啊妳邊位啊？8位港姐參選前舊相大公開，選前選後邊個差別最少？

話咁快又到咗一年一度選港姐嘅時候喇（雖然連上屆係邊個都唔知～）近日大台就搵嚟幾個因為當選港姐而人氣急升嘅師姐招呼籲人地參選，記招仲公開埋佢地們參選前嘅相同而加做對比，真係唔知驚喜定驚嚇！不過大台揀得出嚟就梗係唔會太Hard Core啦唔驚趕客咩，小編突登搵咗其他大台冇公開嘅舊相，媽啊妳邊位啊？

朱千雪

首先梗係由低level開始，個樣又pure又true嘅千雪bb差別可以話最少，除咗有啲baby fat之外，其餘都冇乜點變過～

嗰陣仙氣，真係隔住個mon都聞到！

而且愈大仲愈有女人味，個樣又夠自然，真係難怪觀眾咁鍾意千雪bb！

黃心穎

咦？乜蔡一智有參選過港姐咩？唔講仲以為係德成啲廣告！MK必備水母頭＋超粗眼線，加埋呢個膚色.....

呢個造型嚟講，究竟點解會嬴到千雪BB攞亞軍架.....

建議心穎BB一定一定要剪返個瀏海，唔係真係傻傻分不清楚啊！

其實大致上個樣都冇乜點變嘅，不過個以前個面型就包啲～

真係女大18變！不過講真心穎BB笑起嚟都真係有種感染人嘅魅力嘅，靚唔靚就見人見智啦～

劉佩玥

至於伍允龍嘅緋聞女友阿Moon劉佩玥，小編就搵到呢張好青澀嘅舊相！其實阿moon以前個蘋果肌冇咁突出，個感覺超清純～

眼大大面尖尖，笑起上嚟又夠甜，絕對係男仔會鍾意嗰種女仔～

參選港姐嗰陣已經有唔少網民話阿moon上鏡幾甜同埋有觀眾緣，所以攞季軍都眾望所歸～

陳凱琳

大台想攞呢張得膚色唔同嘅相嚟hea觀眾？no way！小編係唔會畀比得逞架！

鬼妹仔陳凱琳亦都有黑到成舊炭嘅日子，配埋個超厚冬菇頭，都.....唔知鄭嘉穎有冇睇過張相呢！

陳凱琳細個棚牙都唔太齊，做港姐之前梗係走咗去箍牙先啦！

箍完牙，美白埋，做港姐冇難度！

蔡思貝

蔡思達，啊唔係係蔡思貝其實個樣都冇乜變，只係個頭髮愈剪愈短啫～

達哥就起勢留長，蔡思貝就愈剪愈短，唔通怕人地分唔到佢同達哥？

麥明詩

小編覺得十優港姐麥明詩從來都唔係sell樣而係sell內涵，細細個嘅Louisa就係嗰種一睇就知好乖成績好好嘅樣～

時間花哂嚟讀書當然就冇乜時間扮靚，學生時期嘅Louisa都幾多暗瘡。

大個咗之後雖然個樣都冇乜點變，不過相由心生，個人都有氣質咗好多～

馮盈盈

馮盈盈參選嘅時候基本上已經係大熱，而學生時代嘅佢亦都絕對係做校花嘅樣～

不過誰都MK過那個沒有？參選前嘅馮盈盈雖然都係靚女底，不過衣著髮型都比較MK～

所以話，眉毛對女仔嚟講真係好重要！冇咗條眉，真係靚女都秒變壽星公～

陳倩揚

其實陳倩揚都真係奇蹟嚟，小編仲記得嗰屆睇嘅時候心諗：嘩呢個阿嬸做咩走嚟選港姐......有人仲話佢似亞視個黃麗梅添！

當年佢攞到亞軍真係眼都突埋！不過之後佢一轉髮型之後就即時刮目相看，個樣即刻靚咗同順眼返哂～

source: instagram、tvb.com