經常同女友IG甜蜜隔空傳情！神級男友陳柏宇霸氣表示：「我嘅錢咪即係佢嘅錢囉，俾晒佢冇問題！」

早前柏宇bb出席活動時，被問到婚後係咪將財政大權交俾老婆？佢就霸氣咁話：「我嘅錢咪即係佢嘅錢囉，俾晒佢冇問題，但如果用晒我嗰啲就要開始用佢嗰啲㗎啦～」其實兩人雖然未結婚，但恩愛程度已經同兩公婆冇分別，兩人經常係instagram發佈佢哋嘅生活日常，不時大放閃光彈，搞笑幽默咁同女友隔空喊話，簡直sweet到爆！

「望咩呀？未見過靚仔敷mask啊?」柏宇bb敷mask時自拍，但女友Leanne不小心入鏡了～

「做乜抄我D表情呀？」雖然柏宇bb話Leanne抄佢表情，但其實兩人樣子都幾相似，完全好有夫妻相～

「個"薇"字咁難寫，寫錯都人之常情姐...」即使柏宇bb去接Leanne機，都有製造小驚喜比女友㗎！雖然就寫錯字，但有咁貼心嘅男友嚟接機，女友當然唔會介意啦，仲表示：「一落機就笑死我！不過又真係幾sweet，但點解拍拖咁多年仲寫錯我個名～」

柏宇bb仲好用心咁幫Leanne編髮，雖然Leanne就話有待進步，但見柏宇bb編到咁靚，睇嚟編更高難度嘅髮型宦冇問題啦！

（哩個一定要睇到最後）柏宇bb新年話Leanne白痴，雖然網民覺得柏宇bb好衰，但係又忍唔住笑，佢哋嘅小情趣真係完全令人哭笑不得！

Leanne Fu（@leannefu_1027）分享的貼文 於 2017 年 1月 月 27 10:04下午 PST 張貼

有時柏宇bb會帶下啲女人小飾物，同Leanne鬥靚㗎～Leanne都問：「我嘅新女友，正吾正？」雖然未見過男人咁戴出街，但柏宇bb戴都幾可愛嘅（笑）～

「我家男人見到我頂帽唔抵得我帶得咁靚，之後又要攞嚟帶。你地話邊個靚D先？」兩人不時公開鬥靚嘅互動令網民都表示好曬呀～

有次柏宇bb就嚟咗個唱歌終極訓練，就係拎住Leanne隻腳當MIC唱歌！而Leanne仲俏皮咁講:「呢支mic好多人想要都要唔到～」

Leanne Fu（@leannefu_1027）分享的貼文 於 2016 年 10月 月 24 7:54上午 PDT 張貼

而柏宇bb仲係個愛貓狗嘅愛心暖男，唔單係Leanne面前會表現大細路嘅可愛一面，係貓狗面前都一樣會咁，非常可愛～

JasonChan（@ckw720）分享的貼文 於 2016 年 10月 月 25 4:54上午 PDT 張貼

收復精靈系列，可惜都係失敗告終（笑）～

JasonChan（@ckw720）分享的貼文 於 2016 年 8月 月 30 11:13上午 PDT 張貼

柏宇bb攬著Leanne浪漫跳舞，仲係佢耳邊唱歌呀～真係旁人見到都感到好幸福，完全有種甜到漏嘅感覺，簡直就絕世完美嘅男友！

Leanne Fu（@leannefu_1027）分享的貼文 於 2016 年 10月 月 1 8:09上午 PDT 張貼

而Leanne有時都會打啲深情說話，向柏宇bb隔空傳情㗎～「每次每次離開佢　都超級無敵掛住佢　真係想每個trip可以同佢一齊　只可以講分分鐘需要佢」

聽聞哩個係佢哋等綠燈最好嘅方法，各位情侶不妨可以效法佢哋～

今年七月，柏宇就同Leanne舉行婚禮啦～雖然男神柏宇bb就封咗盤啦，但係佢嘅大細路個性＋唱歌了得＋愛貓狗暖男＋滿分男友形象，絕對會令fans更加愛佢呀！

Source: IG@leannefu_1027 /@ckw720