只要係香港人就會有共嗚！《不懂撒嬌》20句愛情、職場貼地金句集合，呢個世界公平咩？

《不懂撒嬌》就嚟步入最後一周結局篇，相信觀眾都好唔捨得！隨住劇情愈嚟愈緊湊，噚晚就講到Cherry同Saving返返傲星interview，點知畀賤Han同游生激親嘅Saving大爆seed，重演《創世紀》金句，睇到打工仔勁有共鳴啊！今次小編精選咗20句愛情、職場貼地金句，睇下邊句最中啦！

#愛情篇

「不要放男人到大陸工作，十個上去，十個都淪陷。」

「事業線嘅野，一吋長，一吋強」

「香港30歲以上嘅女人，每三個就有一個嫁唔出，我同你唔可以做嗰一個！」

「Saving係Oxford Dictonary嘅解釋係節約，係存款，仲係挽救咁解。我話過攬你就攬你，我Saving做得到先講得出！」

「我哋兩個人一齊最緊要係我哋開心，人哋點睇唔重要！」

「你幾辛苦嘅嘢我同你分擔，辛苦就可以減半，開心嘅嘢可以同我開心share，開心就會加倍，我希望可以做到你心目中嗰個人」

「我係一個冇定力嘅男人，我比一般男人更冇定力，你可唔可以管住我啊？」

「其實我要嘅嘢唔係好多，我只係想有一個我愛佢，佢又愛我嘅人，陪我一齊生活、一齊老！」

#人生篇

「我唔係貪，我係慳！底線同底褲一樣，幾慳都要著住！」

「我唔係想發達，我係想做少少嘢令到呢個世界因為我而有少少唔同！」

#職場篇

「諗嘢要Rational，講嘢要Critical，每一個字都要Functional！」

「出嚟做嘢如果你淨係得一個locker就要追求一張檯，有咗張檯就要追求Partition。冇窗變有窗，山景變海景，最後就係數地磚，一般人嚟計，每3年令自己多一格地磚都算好叻！」

「女人冇男人唔使死，男人會呃你，份工唔會，學似我咁，嫁咗俾公司，咁咪仲有尊嚴！」

「有時老細問你問題唔係想你答個答案，係想你講出佢心入面個答案！」

「我唔係冇食過（屎），我安份守己，日搏夜搏，我賺得嗰一萬幾千，我唔係冇食過，但係呢班人呢？」

「淨係識攞少少錢，攞少少時間，出嚟炒呢樣，升嗰樣，跟住就喺度巴之閉，咁叫公平咩？」

「點解佢地要用成世人嘅時間，去搵份咁嘅安安定定嘅工呀？」

「因為有你呢啲咁嘅有錢佬喺度玩野呀！越有錢越有得玩，呢個世界公平咩？呢個世界公平咩？」

「做老細係要負社會責任，要照顧員工，同埋要令呢個世界有少少唔一樣啊！」

source: tvb.com、mytvsuper