浮浮沉沉17年！35歲譚凱琪靠《不懂撒嬌的女人》成功上位，比起而家嘅港姐更被網民睇好升做一線！

近期嘅《不懂撒嬌的女人》hit爆全城，連帶身邊嘅一眾配角都被人留意到，而係《不懂撒嬌的女人》飾演失婚媽咪一角Annie嘅譚凱琪(Zoie Tam)一樣出位，現年35歲嘅佢樣子依然保持童顏，係娛樂圈捱足17年，終於好似劇中咁樣，開始有一個上位嘅機會！

因為有姣好嘅身材同童顏嘅樣子而令到一眾網民注意到佢！

雖然係劇中被升至經理之位，被視為租務部第二把交椅，但始終未夠MALL姐強勢，亦得唔到同事完全信服，所以

同樣飾演蝦米仔嘅媽咪，深愛兒子嘅佢最終忍痛放棄兒子，令到觀眾都感到好心酸！

劇中同Oscar嘅感情線戲份相當重，Oscar對Annie嘅關心，慢慢超越咗同事界線，開始令到觀眾都好肉緊！雖然Annie已經拒絕過佢，但Oscar依然甘願做佢嘅「兵仔」，令好多人都希望Annie可以回心轉意，同Oscar早日修成正果！

而係宣傳片中亦有交代過Annie將會有從影以嚟最大膽破格嘅演出，當中同Ocsar更有激咀同床上戲，Annie係床上裸露背脊絕對又吸引到唔少宅男～

早係2000年Zoie已經踏入咗演藝圈之路，當年簽約小室哲哉公司 ROJAM，其後仲推出過第一張唱片《全力愛》，不過似乎冇咩人留意到，而令佢曝光率都越嚟越少，令佢浮浮沉沉咗幾年！

直到2006年先重新投入幕前演出，更係2007年至2013年成為咗香港有線電視旗下經理人合約女藝員，開始接觸多咗主持工作，之後2013年11月先正式轉投TVB～

但係TVB之後嗰幾年都係出演三、四線嘅女角色較多，如《鬼同你OT》飾演徐安妮（Annie）、《衝線》飾演朱珠（豬豬）等，冇咩戲份俾到佢發揮！

真正令Zoie開始上位就係上年佢係《EU超時任務》中飾演「水晶梨」一角，令佢瞬間人氣急升，獲一眾網民同宅男熱捧，有人仲認為佢係劇中仲比千雪BB更吸眼球！

之後佢係台慶劇集《致命復活》中飾演嘅郭卓詩（Emma）一角都一樣備受注目～而2016年亦係Zoie嘅幸運年，因為佢首次被獲提名《TVB 馬來西亞星光薈萃頒獎典禮2016》「最喜愛TVB飛躍進步女藝員」、「最喜愛TVB電視角色」同《2016年萬千星輝頒獎典禮》「最佳女配角」，就算未能獲獎，對佢嚟講都係一個肯定！

係劇中嘅Annie為咗事業，想做好總經理嘅職責而犧牲自己嘅親情，忍痛放棄自己個仔（蝦米仔）嘅撫養權！但現實中嘅佢就會想兩者都兼顧到～

Zoie同一個拍拖2年幾嘅金融才俊男友莊日宇(Enrico)感情穩定，有報道指男友都向咗Zoie求婚，不過Zoie希望係事業做啲成績，表示希望係哩兩年搵多啲錢，2年後先結婚！

雖然好多網民都感到可惜Zoie錯過咗上位做花旦嘅黃金年齡，但以Zoie而家嘅童顏樣，身材外貌都keep得咁好，演技亦開始有所進步，相信將來一樣可以有好多唔同角色發揮，比起好多而家嘅港姐，更被睇好升做一線！

Source: TVB screen cap/Instagram/Google