download GirlStyle 女生日常 app
馮盈盈公廁論惹爭議!莊思敏撐細妹:「請尊重歷屆師姐 」,朱晨麗、張名雅留言發聲撐莊思明!

馮盈盈公廁論惹爭議!莊思敏撐細妹:「請尊重歷屆師姐 」,朱晨麗、張名雅留言發聲撐莊思明!

Trendy 人氣熱話
By Cynthia on 18 Sep 2018
Digital Editor

2016年香港小姐冠軍馮盈盈近日嘅「公廁論」引起唔少熱議,唔少前輩都批評馮盈盈嘅言論過火,當中2010年港姐季軍莊思明直指「感覺好Cheap」!莊思明家姐莊思敏、男友楊明亦有為莊思明出返啖氣,但就再引起唔少網民嘅討論,呢場口水戰唔知要到幾時先完結啦!

廣告
廣告

Screen Shot 2018-09-18 at 6.02.01 PM

馮盈盈早前喺節目《後生仔傾下計》入面大呻,港姐嫁入豪門的情況:「如果我哋嫁俾有錢人,就會俾人話睇心佢係想釣金龜,係雞係公廁!」而作為2010年港姐季軍嘅莊思明受訪時就直指馮盈盈用字太Cheap,仲叫佢唔好為咗出位而引用侮辱性字眼!呢番回應引嚟好多網民留言狂鬧莊思明!

Screen Shot 2018-09-18 at 5.30.52 PM

莊思明亦不甘示弱,加入罵戰逐一反駁網民,表示:「我都係講自己感受啫,我都係人,我都有權表達意見,唔係我表達就有問題,其他人就無問題呀?佢(馮盈盈)嘅用詞唔係代表真誠,係粗鄙!如果粗鄙就係真誠咁我相信所有喜歡講粗口嘅人都非常真誠!」、「我係話字眼會畀人感覺cheap,我無話過佢cheap!

Screen Shot 2018-09-18 at 6.01.13 PM

作為莊思明男友嘅楊明亦有出面護花,自言睇到女友被攻擊感到心痛:「佢只係回應咗記者嘅問題,發表自己嘅感受都要俾你哋鬧,但係節目中亂講野嗰個就反而無問題,我真係唔明網民係咩心態!希望大家就算唔認同都唔需要人身攻擊!

Screen Shot 2018-09-18 at 5.58.02 PM

廣告
廣告

佢再出Post鬧爆鍵盤俠人身攻擊女朋友時,張寶兒同袁偉豪亦有留言力撐!

Screen Shot 2018-09-18 at 5.44.06 PM copy

朱晨麗又留言話:「肥屍大隻都好難離地姐」,未知係暗寸馮盈盈肥屍大隻定係自嘲未夠馮盈盈貼地!

Screen Shot 2018-09-18 at 5.46.02 PM

而同樣港姐出身嘅2012年港姐冠軍張名雅亦留言:「好男人道出心聲!

Screen Shot 2018-09-18 at 5.49.01 PM

而家姐莊思敏亦都出Post護妹:「一張嘴可以氹死人,同樣可以殺死人。我們要學懂慎言,學懂尊重。」仲Tag埋:alwaysonlisaside、別丟光環架、請尊重歷屆師姐、嫁得好應該是福氣吧

Screen Shot 2018-09-18 at 5.32.00 PM

言論同樣大膽嘅麥明詩就力撐好友馮盈盈:「謂cheap也?見風使舵、見利忘義、損人利己、坐享其成。只憑言辭一兩句而妄下斷言,未免略為片面。」火藥味甚濃!

Screen Shot 2018-09-18 at 6.09.39 PM

馮盈盈其實已經解釋「公廁論」係為女性發聲,只係轉述網民對港姐主觀又偏頗嘅言論,因為網民真係用呢啲字眼,「公廁論」並唔係佢嘅立場!明明馮盈盈係反對緊呢種言論,反而被人斷章取義,難怪一眾網民咁勞氣為馮盈盈辯解!

Screen Shot 2018-09-18 at 6.11.05 PM

網民就係莊思敏個Post下面留言:「請你評論之前去睇一睇個一集節目 你口中嘅某人喺節目上面係想表達自己反對果種言論 唔好好似呢兩姊妹一樣 未睇過節目就去judge人」、「比網民話兩句就發哂癲 仲要搵男朋友同家姐幫手鬧fyy 老實講身為港姐喺ig同網民互鬧又有冇丟光環架呢?

Text:Girls Editorial

Photo Source:Instagram

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載