韓媒評選中國4大古典美女，熱巴楊冪通通上榜，冠軍的確係實至名歸！

近年嚟內地古裝劇大熱，爆紅程度大家都有目共賭～但唔講唔知，原來有唔少韓國人都好沉迷內地古裝劇㗎！最近韓媒更加選出中國四大古裝美女，話佢地古典氣質爆棚！唔知你心目中最靚嘅古裝女神又係邊個呢？

劉亦菲

相信大家對劉亦菲攞到第一名應該都無咩異議～古裝扮相嘅佢，一頭有如瀑布烏黑亮麗既秀髮加上一襲素衣，難怪獲得神仙姐姐呢個稱號。睇番佢喺《神鵰俠侶》入面，脫俗出塵嘅造型令唔少觀眾為之驚艷，紛紛稱佢為最靚嘅小龍女！

清純靈動嘅氣質難怪連韓國網友都被迷倒，古裝女神當之無愧～

嗰份仙氣真係隔著個mon都聞到呀！

楊冪

憑住《三生三世十里桃花》喺各地熱播，令楊冪人氣急升，劇中仙氣飄飄嘅造型的確美得驚人，飾演四海八荒第一絕色的青丘女帝白淺毫無違和感！

楊冪喺韓國人氣唔錯，由佢主演嘅電影《我是證人》喺韓國都好收得。

在《古劍奇譚》中的扮相也很美～靈動大眼配上富古典美嘅五官，果然非常適合著古裝！

張儷

大家對張儷呢個名可能比較陌生，佢曾經參與過玄幻古裝劇《上古情歌》，飾演雲桑一角。佢喺電視劇《親愛的，對不起》同劇中男主角朱鎮模假戲真做，得到粉絲祝福之餘，亦令佢喺韓國知名度大增。

張儷喺《上古情歌》入面嘅造型襯托出佢清麗溫柔嘅古典美。

迪麗熱巴

胖迪居然只係得第四名，真係令人有啲失望呀！不過迪麗熱巴喺韓國嘅人氣超高，連綜藝節目都有特別談論到呢位新疆美女，韓國網友更稱佢為「中國版千頌伊」，可見佢嘅人氣之高～

《三生三世十里桃花》入面嘅白鳳九靈動可愛，精緻五官帶有濃濃嘅異國風情，無論男女都會比佢迷倒呀！

五官超立體！一顰一笑都觸動人心～

除咗以上四位，其實仲有好多女星都好適合著古裝～唔知你嘅心水又係邊個呢？

Source：Pinterest，Weibo，Instagram