溫柔暖男定幽默可愛型？6種不同系「男友力MAX」理想型，妳又最鍾意邊TYPE！

每個女仔對男神又或者理想型嘅睇法都好唔同！有啲鍾意男仔溫柔細心，有啲就鍾意夠MAN夠大男人～今次小編就將唔同界別嘅男神大約分成6個類型，個個型其實都好吸引啊媽啊！

#溫柔暖男系－王浩信、黃浩然

之前成為一眾少女嘅暖男男神Saving哥王浩信係劇中有幾暖有幾sweet就唔洗多講啦！

溫柔暖男系嘅男仔通常外表同內心都有個反差萌，外表衰衰壞壞又麻甩咁，但係一對住妳就擁有好像天使咁嘅細心同耐心，完全KO少女心！

#陽光運動系－黃宗澤、陳柏宇

有做開運動嘅男仔一向寧舍吸引！有唔少女仔都覺得鍾意做運動嘅男仔基本上將時間同精力都投放係運動上面，根本唔會有時間去滾～

而且望住佢地做運動個專注同流汗樣，真係好想被佢地保護啊！（小編FF mode on）

#幽默可愛系－洪永城、馬國明

其實男友靚唔靚仔真係唔重要，最緊要係同佢一齊夠哂自在夠哂開心！

你有時可能會覺得佢好無聊，但係又會好多謝佢嘅無厘頭令你地嘅生活好開心喎～仲有，帶佢地同班朋友一齊出嚟永遠都係暖場王冇甩拖，日日都笑住咁過！

#粗獷肌肉系－袁偉豪、伍允龍

其實男仔太過肌肉型真係會令女仔有啲怕怕，不過有適當嘅肌肉著起衫上嚟就真係好正！（心心眼）

FIT爆肌肉再配埋個cool cool地嘅樣，一定唔怕有其他男仔埋身！

#牛奶鮮肉系－洪卓立、陳鍵鋒

見到韓國咁多小鮮肉，姐姐們真係感嘆時光飛逝啊（唉～）

個樣永遠都keep住咁童顏嘅牛奶仔，仲有陣文質彬彬嘅氣質，令人完全hold唔住啊！

#魅力大叔系－苗僑偉、袁文傑

有種魅力叫大叔！有返咁上下閱歷嘅女仔，就會開始識欣賞愈大愈有男人味，而且感覺真係見過世面嘅男仔～

嗰種小鮮肉絕對比唔上嘅滄桑感，真係唔係個個都有！

究竟邊一個類型最得你歡心？快啲投票啦！

source: instagram、weibo