洪仔冇望喇！傳蕭正楠8月娶翠如BB，秘密拎定大假外地先註冊後補擺酒！

大家由好想洪永城同翠如BB一齊，到大家真係知道咗翠如BB係同蕭正楠係一PAIR，雖然開頭好難接受，但而加睇住佢地咁sweet都真係慢慢接受咗嘅，仲有傳蕭正楠下月計劃同翠如去外地註冊添！

其實翠如BB係同蕭正楠呢一對拍拖三年都算歷盡風浪。一開頭完全一面倒唔被睇好，仲畀唔少網民話佢同洪永城先係最襯.....不過佢地用行動證明畀大家睇佢地係真愛啊！

佢地成日係ig高調放閃同耍花槍之外，真係睇到都覺得好sweet！相反，對比起洪仔同詩詠咁收收埋埋，呢一對就大方得多～

佢地仲成日互相post啲係屋企嘅日常照，睇嚟翠如隻狗仔「黃小六」同Edwin都幾好感情，可能好快仲會做埋佢爸爸添～哈哈！

近排有傳二人已經向大台拎定大假，會去外地先註冊，出年先補擺酒！睇嚟edwin真係好想快啲將翠如BB私有化～

大家睇住翠如BB同蕭正楠呢一對咁SWEET，成日係IG高調放閃，都知道佢地係真係找到彼此嘅mr.right同mrs.right嘅！

而伴郎伴娘團方面，人選亦都唔驚訝！男方應該就係好兄弟曹永廉冇走雞，佢地真係FRIEND過打BAND架！

而女方就有傳係因為洪永城而變成閨蜜嘅唐詩詠！呢排真係成日見到佢地糖痴豆咁～

唔知同翠如咁老死嘅洪永城會唔會都獲邀做兄弟/伴郎呢？

咁舊愛兼翠如好兄弟嘅洪永城到時咪可能會好老尷！

正所謂空穴來風未必無因，睇嚟翠如BB同蕭正楠應該真係好事近架喇！

source: instagram、weibo