完美男神星二代！譚詠麟囝囝譚曉風牛津碩士畢業，高大靚仔外型酷似關楚耀？

雖然唔少星二代都有高學歷，不過如果高學歷又高大靚仔嘅就唔算太多。雖然譚詠麟對囝囝譚曉風一向低調不提，不過21歲嘅曉風啱啱係英國牛津大學Engineering Science碩士畢業，今次校長開心到高調係FB post合照，認真難得！

譚校長一向非常保護囝囝曉風，所以就算post合照都係post囝囝背影。不過睇相都睇到曉風高校長成半個頭有多，身材仲幾健碩添！

睇住囝囝牛津碩士畢業，又高大又有學歷，仲要文武雙全，彈鋼琴、結他、打鼓樣樣都得，怪唔知校長開心到連post幾張相啦！

其實細個嘅曉風輪廓已經屬於靚靚仔仔嗰批，大家仲話似足校長後生個樣添！

而加21歲嘅曉風冇哂稚氣，五官棱角有致，笑起上嚟都真係幾charm！仲有唔少網民話佢有啲似校長契仔關楚耀同王浩然嘅混合體添～

有消息指曾經有公司想簽曉風做歌手，不過校長就極力反對！不過如果曉風真係入娛樂圈嘅話，靠住呢個完美男神package又可唔可以繼承校長嘅衣缽呢？

source: weibo