單身9個月男神再封盤！港姐殺手袁偉豪認愛張寶兒，袁偉豪：未過試用期㗎！

啱啱先同岑杏賢分手9個月嘅男神袁偉豪雖然之前多次暗示想同岑杏賢復合，不過口裡說不身體卻很誠實，同張寶兒拍完《打工捱世界II》之後就迅速撻著，唉男神表示又封盤喇！

袁偉豪同岑杏賢拍拖3年，本來大家都覺得佢地感情好穩定，點知無啦啦分手！雖然袁偉豪甩拖之後成日都會係instagram暗示自己放唔低想復合，不過最後都係守唔到......

前女友岑杏賢係最上鏡小姐，而現任張寶兒就係友誼小姐，睇嚟阿BEN真係對港姐情有獨鐘喎！

今次阿BEN大方承認戀情，向張寶兒大派定心丸，仲話鍾意對方夠甜同埋心地好好添～當記者講到張寶兒死口唔認戀情，阿BEN就笑言因為自己仲未過Probation（試用期），咁識講野抵你做到港姐殺手啦！

袁偉豪足足大過張寶兒10年，唔知係咪就係呢股成熟魅力吸引到甩拖兩年嘅張寶兒呢？

拍《打工捱世界II》日見夜見，仲要去到非洲呢個咁荒蕪嘅地方，要撻著一啲都唔難！

大家又覺得阿BEN同舊愛岑杏賢襯D定同現任張寶兒襯D呢？

source: instagram