嗰隻藍係咪蕭正楠？《Do姐再Shopping》翠如全集俾農夫窒，Do姐：請你唔好乘機掂我！

Do姐同農夫擦出火花嘅互動真係好吸引，令到平時唔睇電視嘅小編都忍唔住追睇！今次《Do姐再Shopping》加埋平時做開旅遊節目嘅黃翠如，增加咗節目嘅追看性，唔少網民仲話「Do姐比起森美、杜如風更加好睇！」

第二集入面Do姐同農夫去咗文具店自製書薄，一開始介紹農夫已經係咁窒Do姐，搞到Do姐大嗌：「你兇我呀？」

4個互相點評對方嘅品味，真係超搞笑！

C君話陸永本簿最啱寫一樣嘢，就係「寫（捨）棄」，真係覺得C君超有才！

去到自製墨水嘅時候，翠如話要調配一種「藍藍地又唔太藍嘅顏色」

C君又係轉數勁快咁話：「嗰隻藍係咪蕭正楠」？

佢地咁樣抽翠如水，令到Do姐都覺得好過癮，忍唔住手舞足動咁表達自己都覺得哩個水抽得靚！

Do姐調咗隻勃根地紅色墨水，仲寫咗首詩「棄我去者 昨日之日不可留 亂我心者 今日之日多煩憂」

明明就好高貴優雅，但係都難逃被農夫寸嘅命運～

最尷尬係！出生喺書畫世家嘅翠如竟然輸咗「和紙價錢問答比賽」，一開始就已經將最貴嗰張和紙誤認成最平的！再將最平嗰張紮染和紙誤認成最貴嘅手製和紙～

令到陸永忍唔住再寸黃翠如「唔係喎，我識個畫畫嘅朋友，佢話一睇就知哩種紙冇加工，佢係畫畫世家喎！我信我個朋友」，翠如今集比人瘋狂抽水真係好搞笑～

之後佢地品水嘅過程都好搞笑，因為Do姐好認真咁試味，令到翠如忍唔住爆笑！

農夫係咁附和Do姐雖然好假，但真係好搞笑～

去到筷子舖，C君又問「你寧願朋友送一架車比你，定係送一對筷子比你？」佢地兩個又即刻話「梗係筷子啦！唔通攞部車嚟夾飯呀？」

跟住Do姐再話「我呸！」，佢地又係勁鬼馬玩食字Gag「佢Pay呀！」

喺三文魚店，Do姐介紹有一款三文魚來自大西洋，C君就話：「一腳伸你去大西洋」，Do姐一個眼神厲住佢地，就農夫即刻淆哂底！

然後Do姐講解唔同品種嘅三文魚時，農夫又係好盞鬼地吓吓都讚Do姐，仲要勁奉承佢，見到佢地淆底樣就覺得好好笑～

事後Do姐喺IG仲Po相，叫陸永緊張還緊張，唔好借啲咦掂佢～不過下面留言嘅網民就話佢地好襯咁話！

有時做完嘢收工睇農夫放鬆一下心情真係唔錯～TVB可唔可以比多啲機會佢地出鏡呀！

Text Source：Girls Editorial
Photo Source：TVB