唔洗北上都飲到！真・喜茶即將開香港&新加坡分店，半夜IG出招聘廣告萬2蚊請Barista！

唔少女生都鐘意返深圳一日遊，當中被譽為返大陸必飲嘅喜茶終於要嚟香港開分店啦！（掌聲＋尖叫）就喺噚晚半夜，喜茶嘅官方Instagram出咗個招聘廣告，為香港同新加坡分店做人手準備！

今次喜茶喺半夜出咗個Post，目的就係為咗招兵買馬，為香港同新加坡分店做好準備！佢地會聘請Tea Barista、Trainer、Shift Supervisor、Store Manager等等嘅職位！有興趣去做喜茶一份子（可能有得日飲夜飲？）嘅年輕人快啲Send CV去啦～人工方面計返做港幣大約係一萬至萬二蚊左右！

相信唔少女生對於喜茶都絕對唔陌生，雖然呢間網紅飲品店已經極速擴張，但根據小編們嘅經驗，每次最少排15分鐘以上先成功飲到！

今次佢地終於開到嚟香港，絕對係各位吃貨嘅福音，真係諗起都興奮！！

雖然小編們都預計「起碼排幾粒鐘先飲到」，但對於鐘意排隊嘅香港人嚟講真係濕濕碎！唔少網民仲話「要日日去飲」、「以後唔洗再上深圳！」

真係好期待喜茶開幕呀！！！

Text：Girls Editorial

Photo Source：HEYTEA