謙卑態度獲讚！林淑敏捱足18年終奪最佳女配角獎，網民：「全晚頒得最實至名歸嘅獎！」

TVB《萬千星輝頒獎典禮2018》結果出爐，昨晚焦點除了落在蕭正楠、黃翠如公佈婚訊之外，眾望所歸的「大小姐」林淑敏終於勇奪「最佳女配角」獎項，同樣成為網上熱話！網民紛紛恭賀林淑敏得獎，更表示看到她得獎：「好感動，付出真係有回報！」

林淑敏去年同樣憑《愛回家之開心速遞》裡的「大小姐」龍力蓮一角入圍「最佳女配角」5強，可惜被爆冷跑出的朱晨麗奪得獎項。今年網民再次力推「大小姐」入圍5強成為大熱門，最終眾望所歸奪得「最佳女配角」，令觀眾和網民都非常激動：「好鐘意睇大小姐一時鬧人 「人頭豬！」，一時又可以做小蓮～」

林淑敏2000年參選港姐後加入TVB，入行18年來拍攝過超過100部劇集，但她一直保持著謙卑的態度，即使得獎後也不斷強調是《愛回家》劇組的努力才讓她有機會得獎：「呢個獎唔係屬於我，係屬於《愛回家之開心速遞》，因為無論角色，無論劇本，都係最好嘅，我想多謝監製，佢將電影感帶入去處境劇。喺公司我曾經聽到一個人同我講，佢話：『有人俾埋錢你，俾你做自己鐘意做嘅嘢，呢個係用錢都買唔返！』，我會繼續謙卑咁做好呢份工」

在接受媒體訪問時，她又表示「覺得自己唔配攞呢個獎，只係代表《愛回家之開心速遞》去攞」，謙卑的態度也被網民大讚！

而在「大小姐」下台講感言前，拍擋「送水輝」許家傑也站起來恭喜她，更貼心的是男方扶著「大小姐」下台，讓觀眾超感動能在頒獎禮看到「輝蓮CP」發糖～

林淑敏發言時又再提到自己當年患癌：「記得7年前我有過一場大病，當時我諗我自己仲有咩用，但樂小姐（樂易玲）打俾我，叫我唔使擔心，繼續返公司開工。」幸好林淑敏成功抗癌，我們才能看到「大小姐」這一個角色啊！難怪網民都表示：「大小姐之前生過cancer好返依家去到人生高峰！好勵志！」

不過也有心水清的網民表示：「TVB真係好現實，上年林淑敏唔係親生女，民意幾高都唔俾獎佢。之後見到大小姐真係好受歡迎，好多廣告商搵佢，先簽人哋做親生女！」

兩年前網民說要「推到大小姐拎女配角」的戲言終於成真，希望下年頒獎禮「最受歡迎電視拍擋」會由「大小姐」和「送水輝」奪得啦～

Text：Girls Editorial

Photo Source：TVB、Instagram