馬炭「黑化」唔念兄弟情！艾妞、天嬌＋沅婉為大帥哥報仇，夠5萬Likes就直播摑洪永城！

已經播咗成個月嘅《大帥哥》進入尾聲，劇情亦都開始進入白熱化嘅階段啦！天嬌上個禮拜死咗，大帥哥又被判死刑，呢一切都係拜馬炭所賜！除咗觀眾睇到勁嬲之外，劇中一班演員都睇唔過眼，決定要掌摑馬炭，為大帥哥出返啖氣！

以前一直同大帥哥出生入死、稱兄道弟嘅馬炭「黑化」，不斷害死身邊嘅人，除咗大家好鐘意嘅天嬌之外，就連曾經嘅好兄弟羅義都唔放過，真係睇到眼火爆！劇入面飾演羅義嘅徐榮PO出一段充滿「兄弟情」嘅短片，配合埋隻歌真係極催淚～

View this post on Instagram

#大帥哥 羅義的使命己經完成多謝對我哋嘅支持！送返首歌俾大家！ @chowinglim @vvyeo @zozotam1o1o @guruhung @sisleychoi @dickyyyyyyyyyyyyyyyyyy @maxc #羅義 #艾妞 #章沅婉 #馬炭 #東來 #顧落蘆 #葉天嬌 #李細龜

A post shared by 徐榮 (@tsuiwing0807) on Jan 7, 2019 at 9:55pm PST

劇入面飾演艾妞嘅楊秀惠同我地一樣咁憎馬炭！佢噚日Post咗張相，相入面大帥哥嘅三位老婆艾妞、天嬌同埋沅婉都一副嬲嬲樣，齊齊舉起隻手作勢要掌摑喺劇入面飾演馬炭嘅洪永城！

楊秀惠仲話：「#馬炭 話如果 #艾妞 、#章沅婉 和 #天嬌 呢張相嘅post加埋有5萬個likes，佢就Live直播俾我哋掌摑佢，為大帥哥報仇，諗得過諗得過，#馬炭大哥你係覺得5萬個likes對我哋來講係好難嗎？#請問你係睇小我哋三個嗎 #想睇直播就like啦 #你哋如果諗到其他懲罰Tamama嘅方法就請留言吧 #大帥哥」

而洪永城亦都有轉載呢個POST，仲要話「我就覺得好難喇。」楊秀惠呢張相已經得到接近3萬6個Like加埋洪永城Repost已經超過咗5萬！所以有唔少網民都留言叫佢地快啲找數，連何超蓮都有留言話「等睇直播」！

之前洪永城已經有預告過「結局週嘅馬炭會更加乞人憎，挑戰角色嘅人性底線！」仲有幾集就結局，究竟「大帥哥」會點樣嚟個絕地大反擊呢，大家真係要坐定定喺電視機前面睇啦～

希望呢個POST快啲夠5萬個Like，死喺馬炭手上嘅天嬌記住打多幾巴呀（笑）！

Text：Girls Editorial

Photo Source：Instagram