朋友比戀人更高分！蔡思貝朝早6點親自送花俾靚湯，靚湯絕對係情人節最幸福嘅女仔無誤！

閨蜜從來都比男朋友更可靠更懂妳嘅心思，所以擁有一個好閨蜜真係好重要！「靚湯」湯洛雯雖然舊年同羅天宇分手，但晨早流流都已經收到好朋友蔡思貝同埋朱千雪送嚟嘅一大束鮮花，真係超級Sweet！邊個話花一定要由男朋友送？

今朝湯洛雯喺Instagram限時動態Po咗啲Stories，內容就係蔡思貝喺朝早6點鐘就企咗喺靚湯屋企門口比個驚喜佢！靚湯仲話：「This is not normal touching this is ho la touching omg」，表達自己真係「好那」感動嘅心情！

靚湯下一個Story就透露更多今次驚喜詳情：（蔡思貝）係咁請求我嘅管理員俾佢上嚟我門口影張相擺低摘花，但係又唔比人哋㩒門鐘，驚嘈醒我，omg太Sweet了，我仲未接受到

蔡思貝亦都有喺Instagram分享呢紮花嘅來源，因為之前睇到一個報導，見到一位70歲嘅婆婆全年無休通宵賣花，所以佢就決定去光顧呢位婆婆嘅花店，真係人美心善～～

靚湯IG其實成日都會Post同閨蜜一齊影嘅相，之前有一張同蔡思貝嘅親蜜照仲要超有愛，真係會令人羨慕佢哋嘅友誼呀！

除咗蔡思貝之外，湯洛雯仲收到由朱千雪送嘅花！而且朱千雪都好Sweet咁寫咗封信俾靚湯，祝佢搵到一個愛佢嘅人～～真係超Sweet！！

而靚湯同朱千雪就係因為2012年參選港姐而結緣，仲成為好朋友添！佢地之前一齊拍攝《3日2夜》，節目裡完全展現一對閨蜜嘅鬥嘴日常，閨蜜就應該係咁：中意互窒大家，但知道對方嘅底線，絕對唔會玩出火，感情不減反增啊！

喺情人節雖然收唔到男朋友送嘅花，但係靚湯身邊有咁多天使愛錫佢，真係一個好幸福嘅女仔呀！

Text：Girls Editorial

Photo Source：Instagram