娛樂年度亞熱帶混血新人登場!張敬軒扮「長毛火龍果」惡搞容祖兒MV,Joey大喊:「幫我報警,青山走犯呀!」

娛樂年度亞熱帶混血新人登場!張敬軒扮「長毛火龍果」惡搞容祖兒MV,Joey大喊:「幫我報警,青山走犯呀!」

Trendy 人氣熱話
BySammi on 07 May 2019 Senior Editor

張敬軒(軒仔)之前就曾於演唱會化身「降兩度」為大家勁歌熱舞,令大家都發現到軒仔打扮女裝也一樣很殺食!最近就適逄樂壇天后容祖兒(Joey)入行20周年,而今年Joey亦會於八月在紅館舉行《Pretty Crazy演唱會》,早前更為新歌《Pretty Crazy》拍攝MV,軒仔為慶祝好友Joey MV推出,就化身「長毛火龍果」惡搞Joey,著上裙子同高踭鞋,就連Joey  MV嘅動作同布景都抄到足,神似度簡直係直達99%,相當有誠意之作!


在 Instagram 查看這則貼文

Hins Cheung 張敬軒(@hinscheung)分享的貼文 張貼


近日軒仔積極大玩社交媒體,非常緊貼潮流的軒仔,上次扮完巴士司機引來笑翻全城,今次就將Joey《Pretty Crazy》新歌改成《Pretty Hungry》,淨係睇海報,一時間又真係會認唔出邊個打邊個~

ssshinsjoey15

軒仔這次化身「長毛火龍果」原來是為好友Joey宣傳演唱會,更創意無限笑稱:「話說 #英皇娛樂 隔離公司 #冤枉娛樂 有個唔知淫男人定男人定女人,話自己 #唔夠crazy淨係hungry , 騎騎呢呢喺度假扮祖兒,企圖欺騙祖兒粉絲,大家一定小心上當受騙!」

ssshinsjoey04

仲搞笑hashtag:「#各位觀眾 #千呼萬喚💩出來 #冤枉娛樂年度亞熱帶混血新人 #榴槤混紅毛丹 #未出道即引退歌手 #火龍果 #首支跳唱mv #敬請提防假冒 #一見就散」

ssshinsjoey05

Joey一見到軒仔扮自己到相當出神入化,都表示:「好想打死佢」再喺自己IG repost,向各位歌迷喊話:「幫我報警 青山走犯呀 #俾我靜一靜都唔得㗎呢隻長毛火龍果」

ssshinsjoey16

就連好友阿SA都忍唔著跳出來關心慰問軒仔:「救命!今日係咪冇食藥呀?」

ssshinsjoey03

網民都忍唔著齊齊留言笑稱:「撑你!雖然我會肉赤!」、「師姐,畀條生路樂壇新人行下啦」、「我幫你套佢麻包袋」、「你又多個樂壇競爭者啦」、「千其唔好忍,一於手劈火龍果」、「以後食火龍果有心理陰影」、「打呀 趁佢未出道就打死佢先呀 佢一啲都唔環保周身係膠」

ssshinsjoey09

今次軒仔扮「火龍果」,仲將兩個火龍果置於胸前,做成胸罩嘅樣,相當前衛!軒仔就形容「火龍果」就好似佢咁易入口:「一切開火龍果你會見到入面有一點點,就好似我咁有內涵」

廣告
廣告

ssshinsjoey07

而軒仔這身造型是以一個環保的循環再用膠袋碎打造而成!

ssshinsjoey10

耳環也是一大亮點之一,因為是平日打邊爐會用到的「篩」

ssshinsjoey11

不過軒仔叫大家睇MV前提醒大家片中會再次展現出他茂盛的腳毛,所以睇完感不適要多多包涵!

ssshinsjoey13

不過初初出道嘅「火龍果」似乎受不到傳媒嘅壓力,已經諗定準備要退休,軒仔今早仲幽默表示:「今朝一早,阿 #年度亞熱帶混血新人 #火龍果 打俾我,話佢啱啱加入娛樂圈就壓力爆煲 #要開始安排退休嘅事宜 #啲傳媒同公眾嘅壓力令佢緊張到有 #神經病 #佢依家覺得自己 #prettycrazy #佢話喎 你哋一個二個話佢惡搞,佢話佢喱啲係致敬吖 #佢話囉 🙄 #唉我咩都唔知吖我你哋自己睇下喇唉」


在 Instagram 查看這則貼文

Hins Cheung 張敬軒(@hinscheung)分享的貼文 張貼

ssshinsjoey01

大家來看看軒仔的惡搞版吧!絕對令你笑到翻肚!

Text: GirlStyle editorial

Photo Source: Instagram, YouTube

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girlstyle@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girlstyle.mag


Share to Facebook