地盤男友被同事嫌棄污糟無見識勸分手？女教師不屑絕交，千字文反擊護航意外放閃

港女找對象拍拖首先過五關斬六將，除了要通過閨蜜的認證，還要得到家人的肯定。不過最近討論區上竟然有一位女教師訴苦，指自己的男友遭到同事批評，更職業歧視他的地盤佬男友並勸喻分手。最後女教師一句反擊，不屑「高學歷人才圈子」圍爐取暖，獲網民紛紛支持！

一名任職中學老師的港女近日在討論區為男友抱不平，她表示一位在中大畢業的同事，在得知自己的男友從事建築地盤的行業後，就恃著高學歷站在道德高地，看不起版主的男友，令她大為憤怒。

女教師版主的學歷並不低，同事為她感到可惜稱：「讀咁多書，唔係為咗同個唔識讀書嘅地盤佬一齊，枉你當年仲跳級升讀大學」，更認為地盤佬男友襯不起女教師版主，出口勸喻她盡快分手。

同事續稱：「唔得囉，做得地盤都係冇讀過書，英文都唔識多句，咪好似學校啲校工咁囉，讀唔到書啲懶人咪做牛工囉 ！學歷低啲人眼界都窄啲，溝通又九唔搭八，分分鐘字都唔識多隻！真係唔明你喎，你叻過我都要同個ive地盤佬一齊」

同事自認：「總之我就對啲低學歷嘅人有偏見啦」，更嫌棄地盤佬「曬到黑哂，放工又污糟」，更認定她男友不懂襯衫，身上會有「地盤佬味」。女教師版主聞後開始感到憤怒，認為男友為人溫柔而且外貌乾淨企理，向她解釋其實「職業無分貴賤」，只要腳踏實地勤力上進，又懂得為將來打算，不覺有何問題。

女教師版主就為男友護航，指他從事建築雖然工作粗聲粗氣，更會經常出汗受傷，但為人性格實在很好。除了對父母孝順、對朋友好、唔煙唔酒無不良嗜好外，對她更是無微不至，二人間有講不完的話題，就連自己的父母也認證他是一個「好仔」。

女教師版主忍不住開口反駁：「佢月入接近 40,000，年底公司業績好會有花紅雙糧。中學已經儲到幾萬學投資，而家儲到 80 萬，佢同我講話第時我想移民都冇問題」，令同事啞口無言，最後就用一句KO同事：「你鍾意啦，你咪搵個讀喺哈佛 master 讀 phd 嘅男朋友，識到記住講聲，周圍同人講佢高學歷，但人品就唔知喇」

女教師版主用千字文來洩憤：「唔係個個低學歷嘅都係懶同讀唔到書」，更認為她的職業歧視實在太不合理，網民紛紛認為該位同事為人師表定必會誤人子弟！女教師版主開罵：「讀完大學都係咁嘅人格，英文再好但心地差，用學歷決定人哋會唔會太膚淺，得啦叻啦祝你搵到碩士博士做你男朋友，到時又唔好嫌人呢樣嗰樣喇 」

女教師版主最後決定和這位同事斷絕來往，認為她的價值觀有問題，生存在「高學歷人才圈子」裏圍爐取暖，自覺有過人的優越感實在令人作嘔。網民紛紛支持版主，更羨慕她有個地盤佬男友：「點解會睇唔起，地盤佬人工高過普通文員仔多多聲啦，同埋做得地盤都證明個男仔捱得，有安全感！」

不少網民都認為該位同事是價值觀扭曲的拜金港女，更大罵她：「香港教育有佢係到真係死得」、「狗眼看人低，枉讀聖賢書」、「三大畢業既井底之蛙」！有網民更被版主意外放閃「曬到」，祝福二人 Keep 住 Sweet 啊～

Text: GirlStyle Editorial
Photo Source: 劇照, Dcard