港女呻拍拖3年男友身材走樣不修邊幅！六舊腹肌變80KG大肚腩：好似同大叔一齊！

不少情侶拍拖後都很容易「幸福肥」，對外型亦變得較隨意，這都是情侶交往久了常出現的情況。近日就有位女網友在dcard討論區上大呻，交往三年的男朋友身材與剛認識的時候差距甚大，而且對外表越來越不在意，直言：「好似同阿叔一齊咁！」

樓主透露與男朋友已交往了三年，三年來一直相處得很愉快，唯獨是對方有一個「好嚴重嘅問題」讓她感到相當苦惱。她表示初初在大學認識男朋友時，對方幾乎日日做運動又會打扮「有六舊腹肌fit到痴線。」

但交往三年以來男友的身形日漸發福，不但原有的腹肌已消失得無影無蹤，更越來越不修邊幅，別說是 gel 頭，就連鬚也懶得剃「佢一唔出 hall 就鬚都唔剃」。

樓主更指男朋友懶惰程度嚴重到，為了不用打理頭髮竟索性將頭髮電曲「早排佢唔知邊度聽返嚟話，電孿左啲頭髮可以唔使點打理」於是便拿著MIRROR成員阿Jer（柳應廷）的照片去髮型屋照著電曲，怎料電髮後的效果與理想相差甚遠～

樓主直言自己仍然很喜歡男友，但男友現在體重是80KG，腹肌已變成大肚腩，頭髮凌亂又整臉鬍鬚，讓她大感崩潰：「其實我真係好鍾意佢，男朋友你幾時先變返個靚仔大隻佬俾我。」

網民：

對於樓主的情況，有網友認為既然已交往了三年，理應直接把感受告訴男友：「其實都已經係男女朋友，照直講應該ok？」，亦有網民建議樓主可以主動提出一起做運動，借故幫男友修身：「借啲意講話自己想做gym，順便拉埋佢去囉」。

雖然有些網民指責樓主只顧外表，認為她根本不愛男友：「你淨係鍾意佢嘅樣嘅話，感情都唔方會長久」、「唔好一開始就話你係膚淺？ 鍾意人地六舊腹肌，冇咗就喺度埋怨」。

但大部份網友都認同保持吸引外表亦是維繫關係的關鍵之一：「無論男女都要內在同外在保持吸引力，愛情先可以保鮮」、「坦白講男朋友就係自己既面子」。並建議樓主應讓男友感受到多點危險感，促使他重新注重外表：「我覺得係你比得太多安全感比佢，搞到佢冇晒危機感，係時候提升返佢啲危機意識」。

亦有網民直言這是男人必經階段，隨著年紀增長，對象外型改變是「遲早嘅事」，若然希望與對方過人世，應該找尋男友其他優點。

大家又點睇呢？

Text: Girlstyle Editorial
Photo Source: dcard討論區，劇照