油麻地公主大鬧九巴掀熱話！女子疑坐過站要求車長開門，跺地片段網上熱傳！
日前，有網民在Facebook群組上載一條片段，掀起網民瘋傳，樓主形容事件為「油麻地公主大鬧九巴」！事源一名女子懷疑從上層走下來表示要落車，但該巴士已經駛離車站，車長拒絕開門～情緒不穩的女子當場失控跺地爆粗大罵車長！
事發當日大約下午二時，涉事九巴沿窩打老道轉往彌敦道﹐向尖沙嘴方向行駛～從車上乘客拍攝的影片可見，九巴到達油麻地消防局時，一名長髮、身穿黑衫長裙的女子焦急跺地大叫「開門呀！」，惟車長未有理會她～
隨後，該女子走上車頭繼續大叫，「有無搞錯呀！我落咗嚟你唔開門！」、「開門呀！唔係我投訴你呀！」女子又指「我頭先落嚟個時仲喺個站到㗎！」，而車長則冷靜表示「小姐，我過咗兩個車位，你先行落嚟」！誰知該女子情緒更激動，大聲反駁：「點會過咗兩個車位呀？點為之一個車位？」
面對愈趨激動的女乘客，車長依舊沉着應對﹐堅持不開門，表示「你唔係大聲就有用㗎！你去投訴啦！」隨即，女子更爆粗大鬧車長：「你宜家要車我去邊呀！」、「我點X知你下個站邊度呀？」
她又表示自己趕時間，要求車長開車門，再次用粗口辱罵車長，其後又質疑車長的駕駛經驗：「你幾多歲呀！你啱啱出嚟揸車呀？」
其後女子更愈來愈激動，出手拍打車廂，揚言要報警，更拿出手機拍下車長的樣貌！又表示：「我落咗嚟兩分幾鐘你都唔開車門！全世界都見到！」，惟車長反駁「全世界都見到啲人落哂車啦」！
女子繼續不服輸，改口稱「啲人落哂車，係你閂門閂得快呀！」再次表示要報警，並向九巴投訴，直斥車長「影衰哂」！
片段事後在網上瘋傳，有網民表示「寧願行一個站都唔會令到自己咁樣衰，你自己到站唔落嚟關司機咩事」、亦有網民表示「係非車站開門上落有事保險唔賠，司機都可能被投訴，工都分分鐘無埋～」
更有網民表示該女子「影衰乘客及香港女士們」，大家又點睇呢件事呢？
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
