中秋做節飯釀婆媳糾紛，港男夾中間：搞到宮廷劇咁！網民：野蠻奶奶專制又小氣～

中秋節理應團團圓圓，一家人共度佳節，沒想到竟因一餐做節飯而釀成婆媳糾紛？兩位女士怒氣一發不可收拾，夾在中間的事主忍不住向網民求救！有網民認為事主女友「唔識做」，亦有網民形容伯母為「野蠻奶奶」，力撐女友，到底這場糾紛應如何解決呢？

事主在香港討論區貼文，向網民訴說自己的煩惱～事主表示，同居的女朋友跟媽媽關係良好，不時會相約行街食飯，但媽媽今年卻不知為何叫事主不要帶女友回家食中秋節飯，又不肯解釋原因，「問阿媽佢哋係咪嗌交佢又唔肯講，又唔講係唔係女朋友做左啲咩激嬲佢」！

事主唯有從女友入手，女友表示：「auntie叫我做節個日早啲上去幫手，順便學埋煮飯」，但女友卻未知當日能否早收工，所以跟伯母表示當日未必可以提早上去。

後來，事主得悉原來大嫂當日有答應媽媽提早幫手學煮飯，他推斷媽媽可能因此作對比，「覺得我女朋友冇阿嫂咁好」！

# 女友遷怒於事主？

事主為了避免節外生枝，原本打算將這事收埋，不跟女朋友說，誰知大嫂卻私底下問女朋友當日是否都會提早上去幫手！這時，女友才知道原來伯母是嬲她不上去學煮飯！女友更因此而遷怒於事主，「女朋友因為咁樣嬲埋我，覺得我點解知阿嫂會上去學都唔同佢講」～

原本理應喜氣洋洋的做節飯最終卻釀成一場婆媳糾紛，令夾在兩位女士中間的事主相當難做，表示：「其實都係食餐飯姐，個日學唔到咪第二日先學囉有幾閒呀，咁都要搞到好似宮廷劇咁。」

# 網民：野蠻奶奶～

這場婆媳糾紛立即掀起網民一番熱論，有少數網民認為事主的女友唔識做：「你女朋友唔識do，早飛有著數，老母無得揀，女友有得揀，如果同呢個女友結埋婚仲有排受氣」、「咁小氣，飛得啦，公主病脾氣有排你受」～

不過，大部分網民都認為事主媽媽架子太大，力撐事主女友，表示「未結婚已經咁大架子，嫁埋畀你真係有排受你阿媽啲氣」、「伯母都痴痴地嘅，野蠻奶奶」、「未來奶奶又專製又小氣」！

過時過節最緊要開開心心，希望事主可以盡快解決問題，調解衝突吧！

延伸閱讀：

港男呻女友睇心情語錄致陰晴不定！因一句語錄心情好變差：好多嘢都係假象嚟

Text：Girlstyle Editorial
Photo Source：香港討論區, 劇照