中秋節公司准員工早收但要WFH？仲要列明交通、車程，打工仔：驚死呃鐘！

中秋佳節一家人團團圓圓，不少打工仔都趕收工回家做節！有貼心的老闆會讓員工早放，提早回家吃飯，但最近就有打工仔在討論區表示公司安排員工在中秋提早收工，但卻要work from home直至平時收工的時候，更要列明乘搭的交通工具及所需時間，事主怒斥老闆「驚死我地會呃鐘咁」！

適逢中秋這個喜氣洋洋的節日，卻有打工仔在香港討論區訴說自己的職場辛酸史！樓主表示以往中秋節、做冬等喜慶節日，公司都會安排員工提早收工～不過上年由於疫情關係，大部分時間都Work from home﹐所以公司沒有特意讓員工早放。

樓主表示今年中秋節原本都預計不能早放，不過由於限聚令的關係，家人亦沒有相約親戚一起外出食飯做節，「所以早唔早放都冇所謂」～

# 提早回家Work from home？

誰知樓主後來看電郵，卻發現公司HR宣布今年中秋員工在午飯時間就可以回家，不過到達住所後就要繼續Work from home，直至平日的放工時間！

# 仲要列明回家交通、車程～

除此之外，公司更要員工備註自己是乘坐甚麼交通工具回家，更要清楚列明自己幾點上車，以及預計車程，「最好就係用電話個地圖cap埋預計時間比佢地做參考」！

雖然公司放寬讓員工提早回家，但繁複的政策卻惹來樓主不滿：「驚死我地會呃鐘咁」！樓主更質疑公司「扮晒野話有得早放」，「又要趕返去又要mark呢樣mark個樣，仲衰過唔放！」

# 網民同意政策麻煩～

樓主的貼文瞬間惹來一眾打工仔熱論！不少網民同意樓主公司的政策麻煩，表示：「咁嘅公司，早走早著」！亦有網民認為現在有Work from home，「所謂早放、風假都已經變成妄想」，有打工仔認為Work from home只是幫老闆節省開支，變相令打工仔無得遲到、sick leave～

# 直接留在公司仲方便？

有網民建議樓主直接留在公司做到收工反而更方便～不過，樓主卻回應指方法不可行：「清潔姐姐鎖門喎，唔可以遲過姐姐走」！亦有網民建議樓主「揀樣車程最耐嘅返去」～

大家又點睇呢件事呢？

延伸閱讀：

中秋做節飯釀婆媳糾紛，港男夾中間：搞到宮廷劇咁！網民：野蠻奶奶專制又小氣～

Text：Girlstyle Editorial
Photo Source：劇照