女友睇星座書：山羊男好易出軌！要求男方每一小時報告行蹤，仲要自拍做證？

男女拍拖講求互相信任，但亦有不少缺乏安全感的人會要求另一半定時交代行蹤﹐取得安心～不過管得太嚴卻隨時惹來反效果！近日一名網民在討論區控訴女友要求他每一小時報告一次行蹤，更要自拍一張做證，甚至在樓主手機安裝GPS追蹤﹐令他不知所措！

近日，有網民在香港討論區發文，控訴自己的女朋友要他定期報告行蹤，令他苦惱徵詢網民意見！樓主表示，自己跟女朋友交往已經一段時間，本來他只需要定期交代一下身處哪裡就已經可以～

# 女友睇星座書：山羊男好易出軌？

誰知樓主表示女友「近排唔知發咩神經，睇完啲星座書之後話我依啲山羊男人好易出軌」！樓主形容女友「之後就嚟料」，不但要求樓主定時每隔一小時就報告自己的行蹤外，更要自拍一張有自己樣子的相做證！

# 仲要裝GPS追蹤！

最後，樓主的女友更在他的電話裏安裝GPS追蹤，「要完全跟蹤返我啲行程」～女友的要求令樓主相當苦惱，更向網民請教「有無人可以教下我點做......」

# 網民：一個願打，一個願捱～

有網民表示自己「反而好渴望另一半咁痴身，所以真係睇人」，亦有網民認為一個願打，一個願捱，無謂抱怨～不過亦有網民建議樓主企硬，「咪界女人食住個勢，唔係成世點捱」？

# 有網民批評管得太嚴格？

有網民留言批評樓主的女友，「控制慾咁多，好追唔追追啲傻港女，仲要玩埋星座」，建議樓主分手，否則有排受～亦有網民同意樓主的女友管得好嚴格，認為「這樣的女友是很難和她相處，沒有一丁點個人空間」～

大家又點睇呢件事呢？

延伸閱讀：

網民被女友父母邀請到家中作客被屈偷東西！女友全程不出聲、伯母甚至錄影逼供！

Text：Girlstyle Editorial
Photo Source：劇照、香港討論區