盤點6項網民不能接受曖昧對象做的事！多錯字/漁翁撒網搵對象/食嘢有聲？

跟心儀對象進一步認識時往往會發現對方一些你難以接受的毛病！最近就有網民在討論區發起討論，探討同心儀對象曖昧時，對方做了甚麼會令你不再跟他曖昧？貼文掀起網民熱烈討論！以下就為大家帶來6項網民不能接受曖昧對象做的事，看看你有沒有踩中這些「地雷」吧？

# 多錯字！

近日，有網民在連登討論區發起提問，探討「同人曖昧時，對方做左咩會令你唔想再同佢曖昧」，掀起網民熱論！樓主就率先分享自己最近的經歷，表示自己的曖昧對象「打字有太多錯字，仲要係啲好基本嘅字」，令他不想再跟對方曖昧！

他舉例指，「例如『失蹤』同『失宗』；『口渴』同『口喝』之類」～樓主更直言「簡直想送翻佢入小學讀書，唔想再同佢講嘢，驚比佢同化！」他又認為即使對方再美麗、身材再好，但「無腦都係唔掂！」

樓主又指，心儀對象出現錯字的頻率實在太高，又不想做「正字刑警」逐隻字捉，「佢唔覺煩，我都覺啦！」

# 睇戲抖腳、撳電話？

樓主的貼文掀起網民熱論，有網民分享自己曾跟心儀對象睇戲，誰知對方又抖腳又撳電話，嘴巴還不停發出聲音，網民憶述當時「嬲到中途借啲意走場，出去買下一場飛自己睇多次！」

# 食嘢有聲？

有網民則表示不能接受曖昧對象食嘢有聲，直言「簡直想掌佢嘴」！

# 扮演悲劇主角不停訴苦！

不少女生有向心儀對象訴苦的習慣，但卻有網民表示，當曖昧對象「開始扮演悲劇主角嘅時候，我就知道係時候要退場！」另一網民亦表示同意：「條條女好似去到走投無路嗰陣先會肯同我傾計」！

# 漁翁撒網搵對象？

亦有網民表示不接受曖昧對象同時跟其他異性曖昧，樓主亦坦言很多人都會「漁翁撒網咁搵對象」！另一網民表示同意：「仲要當住係你面前同其他人flirt ，感覺就好似『原來沒有，從來都沒有』～」樓主亦同意遇到這種人應及早醒覺轉身走人，不要再跟他曖昧！

# 男生分享傷口相？

亦有女網民分享，曾有曖昧對象經常分享自己工作時受傷的照片給她看，直言「男人老狗send傷口相，唔X係你醫生呀！」樓主亦同意男生這種行為如同「媽寶」，「係咪想你呵返佢？」

延伸閱讀：

台男列13樣慳家女友誇張行為：慳錢慳到好丟臉！超愛試用/溝稀飲品/一齊沖涼為慳水

Text：Girlstyle Editorial
Photo Source：劇照，連登