同事唔用公筷，啜完筷子夾畀人！場面尷尬，網民斥：無衞生意識！

疫情令不少人的衛生意識大大提高，不少人聚餐時亦會用公筷減低交叉感染的風險~不過，近日卻有網民在討論區表示同事之間叫小菜聚餐時，其中一位同事「好唔鍾意用公筷」，更不時啜筷子夾餸給別人，令樓主難以接受，痛斥該名同事「無咩衞生意識」！

近日，一名網民在香港討論區發文，表示「發現有個同事冇咩個人衞生意識」！事源之前跟該名同事出街食飯，大家都是一人叫一個餐，各自食自己的東西，所以樓主並沒有發現這個問題~

# 同事食飯不用公筷？

唯獨早前一堆同事一起外出食午飯，有同事提議不如叫小菜大家一起食，才發現該名「沒有衛生意識」的同事很不喜歡用公筷！樓主憶述當時「個個都用公筷，得佢唔用」~就算同事提醒他用公筷，他則表示「是旦啦，唔記得咗姐~」

# 仲要啜筷子，夾餸畀人！

樓主更表示，「最攞命係，佢間唔中仲要啜下對筷子」，然後再夾餸畀個女同事，跟她說很好食，樓主形容女同事「個樣即刻變到好尷尬，然後佢成程無掂過嗰舊嘢……」樓主亦表示，「其實無論有無疫情，都應該用公筷啦！」

# 網民：接受唔到！

樓主的經歷掀起不少網民共嗚，有網民同樣表示「我接受唔到」﹑「如果同事唔用公筷， 反枱！」、「最憎哩啲野人」~

亦有網民認同無論有無疫情，如果叫小菜或飲茶，大家都應該有共識用公筷，「衛生啲、食得安心啲」，另一網民則表示「唔用都唔好夾餸比人」！

# 用公筷好麻煩？

不過，有網民認為「事實上好多人都係咁」，亦有網民表示「用公筷真係好麻煩 , 換黎換去」！

大家又接唔接受同事食飯唔用公筷呢？

延伸閱讀：

盤點6項網民不能接受曖昧對象做的事！多錯字/漁翁撒網搵對象/食嘢有聲？

Text：Girlstyle Editorial
Photo Source：劇照﹑香港討論區