「呢個年頭拍拖都係騎牛搵馬？」掀熱論！網民：人望高處，愛情唔洗食飯住屋咩？

不少人自小嚮往童話故事般的愛情，不過，童話故事的憧憬往往敵不過現實世界的殘酷！有網民在討論區發起討論，表示「呢個年頭拍拖都係騎牛搵馬」，質疑當有個條件比你現任好10倍的對象出現，有多少人可以頂得住誘惑？

近日，有網民在連登討論區以「呢個年頭九成人拍拖都係騎牛搵馬」為題發起討論！樓主質疑：「當有一個條件比你現任好10倍嘅人出現，問心有幾多人頂得住誘惑？」

他又認為「到最後結婚只係因為搵唔到更好嘅人」，表示自己愈來愈覺得「愛情根本好兒戲，俾人吹到好神聖」！

# 網民一致認同！

樓主的睇法掀起網民熱論，不少網民表示同意：「真，拍拖只係show俾人睇自己有一定吸引力，用嚟吸引啲更有吸引力嘅人」、「係，但邊會咁易搵到個正現任十倍嘅人出現喺你眼前？」，另一網民亦同意「正十倍仲要睇上你，難上加難！」

# 網民：愛情唔洗食飯住屋咩？

有網民認為拍拖之餘都要考慮現實條件，表示「係咁㗎啦，人望高處」，又質疑邊個會想住劏房，「愛情唔洗食飯住屋咩，靠愛情食屎都得」？另一網民亦同意「年代唔同咗，所謂嘅愛情都變哂質！」

# 拍拖VS結婚？

亦有網民認為「結左婚就難啲，始終唔係話離就離」，不過他亦認同拍拖是騎牛搵馬，「唔好話10倍，2倍都去啦！」

網民分析指，拍拖從來都是一個選擇的過程，只有結婚誓言才是一種承諾，認為看重拍拖的人很愚蠢！又指會怪責另一半選擇了更好的對象只是因為沒有人想被掉低，認為這些人「全部都係愛情關係中嘅失敗者！」

另一網民亦表示同意：「得閒『叫春』做悲劇男主角，不如諗下點樣增值下自己好過，到時就你揀人唔係人揀你！」

大家又點睇騎牛搵馬嘅心態呢？

延伸閱讀：

盤點6項網民不能接受曖昧對象做的事！多錯字/漁翁撒網搵對象/食嘢有聲？

Text：Girlstyle Editorial
Photo Source：劇照、連登