人妻為買樓一口氣向老闆借10萬？人夫質疑對方「唔知咩居心」，網民：帽事嘅！

不少人為了置業買樓都會施展渾身解數，問人借錢亦是良策之一！不過，近日就有人夫在討論區訴苦，表示自己的老婆為了買樓手頭鬆一點，竟向老闆一口氣借了10萬！雖然財政問題順利解決，但樓主卻深感不安，質疑老婆的老闆「唔知咩居心」？

日前，一名人夫在連登討論區發文，表示「我老婆問老闆借錢俾首期」，掀起網民熱論！樓主表示，自己跟老婆睇了幾個樓盤，計過其實兩公婆的積蓄仍夠錢畀首期！

# 問老闆借3個月人工？

不過，樓主的老婆卻想「手頭鬆啲，有多啲budget裝修」~她認為問親戚朋友借錢始終會欠人情，仲有說話聽！相反，她的老闆一直都好關照自己，相信不會有問題，於是提議「不如問老闆借3個月人工，然後再慢慢還~」

樓主本來以為她的老闆一定不會答應，所以就隨口話：「好呀，問下無壞~」樓主萬萬想不到老婆的老闆竟然真的願意借錢，「 一下子肯借10萬喎！」

# 質疑老闆唔知咩居心？

雖然樓主的老婆立即好開心，覺得解決咗問題～但樓主卻深感不安，質疑老婆的老闆「唔知咩居心」！又形容自己現在的情況「騎虎難下」，不想向對方借錢，只能「怪自己衰多口同太有自信」~

# 網民：帽事嘅！

樓主的煩惱立即掀起網民熱論，不少網民紛紛留言「安慰」樓主：「帽事嘅！」、「得閒借你老婆嚟還住息先囉」、「放心，肉金黎，唔使還」、「遲啲你老婆應該多咗OT會夜返來，你要習慣下啦」~

# 依家先擔心已經太遲？

亦有網民認為樓主現在才擔心已經太遲，「正常都係食完先會比錢，點會比完錢先食，依家已經唔洗擔心佢老闆有咩居心」！

# 亦有網民覺得樓主想太多~

不過，亦有網民認為只是樓主想太多，表示：「借糧咋喎」、「10萬咁細數...
而且借左又唔係唔洗還」、「睇公司生意點囉，其實十萬對老細黎講真係小數目」~

另一網民亦指，「好多公司都有免息staff loan嫁喎，我公司買樓都有得借loan，上限係唔知10皮定20皮」~

你又點睇呢件事呢？

延伸閱讀：

「呢個年頭拍拖都係騎牛搵馬？」掀熱論！網民：人望高處，愛情唔洗食飯住屋咩？

Text：Girlstyle Editorial
Photo Source：劇照、連登