「結咗婚兩年，喺屋企仲大壓力過返工」？男網民圍爐：婚後老婆把口衰過老細！
近日有網民（樓主）就在連登討論區分享自己結婚兩年的感受，大呻與老婆結婚已有兩年，本身老婆個性都沒甚麼，但是卻突然為了一些小事而發嬲，令他感到「喺屋企仲大壓力過返工」？樓主：「對佢好永遠睇唔到，唔知結婚黎做乜！」
# 樓主：喺屋企仲大壓力過返工
早前有網民（樓主）在連登討論區分享自己結婚兩年，家中的老婆經常因小事發嬲，遇到不合意的事情又會語氣超差，「對佢既好永遠睇唔到 都唔知結婚黎做乜」。同時更表示現時回家唯一感到開心的事就是玩貓，又認為貓都怕了老婆，只是會痴著他玩。
同時樓主又形容「喺屋企重大壓力過返工」，並表示當老婆不在家時就會感到耳根清靜，這樣在家才能得到真正輕鬆，但是當老婆回到家後，總會害怕「唔知幾時踏中地雷」。
不少網民看到樓主的分享，都紛紛作出附和：「完全有同感 但係已經有左小朋友，只有硬食到世界盡頭」、「女人係咁」、「咁快就咁 好難想像再過多幾年樓主既日子」、「生埋仔後，老公嘅地位，係排係屋企食物鏈最底層」
# 網民形容「女人婚前婚後好大分別」
樓主認為老婆結婚後對他態度變更差，帶出了女人婚前婚後轉變的問題，不少男網民表示不解：「其實唔明點解啲女人婚前婚後咁大轉變，點解一結左婚就會變到西口西面潑婦？」、「未結婚，同居左半年已經身同感受，明明當初都好珍惜對方，依家真係由朝黑臉到晚」、「根本所有女人都會咁，只係有啲女人早啲咁解」
# 男人應該哄女人嗎？
有網民就不認同樓主的看法，認為每個男人對老婆好是應份的，又指女人發嬲有時只想男人哄，「下下要講道理, 不如我揾法官講」，有另一網民即反駁指很多女人都不識基本尊重，只是結婚而已，而不是你的父母，「男人就唔駛哄？哄得（她），只會變本加厲」
樓主續指，「對老婆好係應該無錯呀，但係佢永遠唔會當你做既野係一回事」，並且舉例指，試過一兩次因下班感到疲累，可能會忘記了洗衫或煲水，但是老婆卻對此感到大怒，又罵他「靠你就死得」，並認為男人對於這試小事解決了就算，而並不會引起爭吵。
# 老婆不喜歡樓主的家人只因這事？
樓主亦有交代與老婆的背景，兩人並無小朋友，而樓主是返朝9晚6的打工仔生活，老婆則是返shift。本身老婆與樓主的家人也不常見面，只是在特別節日才會食飯見面，但是樓主的老婆卻不喜歡樓主的家人，並道出原因：「因為佢地叫餸食黎食去都係果幾味，又冇問我老婆鍾意食咩，又食得耐，所以佢話左以後唔去」
有網民認為食飯方面只是小事一單，樓主的老婆因為這原因而不喜歡樓主的家人似乎也太小器了，「咁小事就同你屋企人反面，好自我」。同時另有網民就認為樓主的老婆都只是節日才見樓主家人，就算再不喜歡也應交戲過完幾天，並建議樓主，「一係見婚輔 一係離婚」。
# 樓主去家人飯局，老婆大感不悅
樓主續稱因老婆覺得樓主的家人沒有把她當成自己人，對此樓主感到困惑，並指之前老婆去上班沒去食飯時，他的家人每次都會關心老婆為何沒來吃飯。樓主的婆婆又整天表示想見他的老婆，但老婆都堅持以後不會去他家人的飯局。
同時樓主表示有次老婆放假，但樓主卻去了家人的飯局，最後令老婆感生氣！樓主稱：「我話要去，佢就話我明知佢放假都唔陪佢，屋企人仲重要過佢，佢哋食飯咪佢哋食囉，我點解要去」
# 樓主不忍罵老婆，反被老婆回「你變了」？
家務方面，樓主會與老婆一起分擔做，但是老婆會做得較多，而自己會煮飯、洗碗、洗衫、吸塵等，不過樓主就呻自己返Office工都一樣會累，「佢返shift係辛苦我知，但係唔代表我返office唔攰架喎」
樓主表示之前試過忍受不了老婆的脾氣，便反罵她，怎料卻被老婆說：「你變了，以前唔係咁，咁仲點行落去」，有網民又指兩夫妻的關係應該是對等且互相尊重，「唔通女人發脾氣，男人就應份硬食包容；掉轉男人發脾氣就話十惡不赦要唔過咁咩」
# 樓主認為老婆做護士才會脾氣大？
有網民就相信樓主絕不會現時才了解老婆的個性，並指在結婚前應該已經知她的為人，
續問：「呢啲臭脾氣差態度唔會係短時間練成，咁當初你又揀同佢結婚？」，樓主回覆指老婆本身是有些脾氣，但未至於講野難聽，但認為可能老婆返了這份工（護士），才搞到她變成這樣。
有網民就覺得每份工都會有壓大，因此做護士壓力大並不是發脾氣的藉口，「我好多朋友都做護士，都無你老婆啲臭脾氣」，更認為明顯是樓主老婆的情緒管理太差，為人自我中心又EQ低。另有網民更表示這並非婚後變面，而是樓主的老婆原本就是這種人，只是拍拖時演得太好令樓主未能察覺。
最後樓主表示自己也並非完美老公，本身也有很多不足之處，但是認為夫妻相處之道理應要互相包容、互相尊重、互補不足，並且要正面多想對方優點，而非要放大缺點，把小事化大。
延伸閱讀：
Text: GirlStyle editorial
Photo Source: 連登討論區截圖, 朱千雪、黃翠如、Jer IG, TVB 劇集截圖
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
