男友因前女友過身喊足一晚，港女擔心未放低前度？網民：如果男友冷血，你真係敢愛？

不少人與前度即使分手多年了亦難免會有感情！近日有女生在討論區發文，表示自己的男朋友因前度過身而喊足一整晚，樓主認為男友的反應太激烈，擔心男友仲未放低前度？不過，網民卻一致認同樓主在這種情況下不應呷醋，更表示：「如果男友冷血，你真係敢愛？」

近日，一名女生在香港討論區發文，表示自己跟男朋友交往接近2年，日前男朋友收到一個電話，獲通知原來他的前女友因生cancer而過身，因兩人之間仍然有共同朋友，所以就通知他一聲～

樓主知道男友跟前女友交往了5至6年才分手，但之後已經沒有再聯絡。沒想到男友當日收線後，竟然會入房爆喊，樓主形容「都喊得幾大聲，差唔多喊咗成晚」！

# 樓主擔心男友仲未放低前度！

樓主坦言，「雖然佢前女友過咗身我都覺得慘，但男朋友為咗佢喊咗成晚，我個心真係有少少唔舒服」，又表示自己從未見過男友咁傷心，質疑「佢係咪仲好掛住佢前女友先會喊到咁？」

雖然樓主認為換轉是自己收到這個消息，自己都會傷心，「但真係唔會好似我男朋友咁喊」，認為男友的反應令自己好唔開心！樓主又補充，前女友過身會傷心是人之常情，但樓主最擔心的是男友是否未放得低以前段感情？

# 網民：如果男友冷血，你真係敢愛？

樓主的感情煩惱掀起網民熱論，大部分網民都一致認同樓主在這個情況下不應該呷醋，「好心你唔好呷一個過左身既人醋啦」、「如果調翻轉，冷血到當咩事都無發生，呢種男人你真係敢愛？」、「呢個時間呷醋相當不智，你要忍住啊！」

樓主亦回應指，雖然自知自己不應該呷醋，但「真係忍唔住會諗男朋友係咪仲放唔低佢」，又認為他喊足一晚，「反應太激烈」！樓主補充，男朋友到現在仍會收埋前女友嘅嘢，令她經常覺得男友對前女友好一點～不過樓主亦明白事理，不打算向男友訴說自己的心情，只會自己私下難過～

# 網民認為始終都有感情！

不過有網民認為男友會喊足一晚都算正常，「唔係喊咗成年，始終有感情」，亦有網民認為「就算真係放唔低，到呢一刻都冇可能會再一齊啦」！

# 網民讚揚男友重情重義！

亦有網民認為從這件事可見，樓主的男朋友重情義，是個好男生，「其實向好方面諗，如果佢對ex都咁重感情，對你一定唔會差得去邊」！

大家又點睇呢件事呢？

延伸閱讀：

公屋妹提早落車扮住居屋！港男：鍾意充大頭掩飾自卑，覺得住屋邨好失禮？

Text：Girlstyle Editorial
Photo Source：劇照、香港討論區