男友想拍拖週年紀念請假staycation！港女不解：點解紀念日要專登請假慶祝？

拍拖週年紀念日對不少情侶而言是每年的一大盛事，自然要大肆慶祝！不過，卻有女生在討論區表示男友提議在紀念日當日請假去staycation慶祝，但接近年尾，工作繁重的她卻擔心請完假後反而會堆積更多工作要同時間處理！女事主更深感不解，到底點解拍拖周年紀念要請假慶祝？

近日，有女生在香港討論區以「拍拖周年紀念點解要請假慶祝」為題發文，掀起網民熱論！樓主表示，自己跟男友於11月30號拍拖周年紀念，但由於接近年尾，樓主的公司有很多工作要處理，原本打算周年紀念當晚食餐飯就算～

# 男友想請假staycation慶祝！

誰知樓主的男友卻表示想book酒店staycation慶祝，叫樓主29號的下晝及30號全日請假一齊去慶祝！不過，樓主卻表示不解：「唔明點解呢啲年年都有嘅紀念日要突登請假慶祝」，更認為「請一日半假開心完返到公司會仲多咗嘢做」！

# 樓主：唔洗OT會開心啲～

樓主又認為，「對我哋嚟講係紀念日，但係對其他人嚟講咪又係普通日子，有咩好值得慶祝？」比起慶祝紀念日，樓主只希望不用OT，「可以每日都準時收工會開心啲囉」！

她又認為男友安排去staycation很悶，「諗下啲新節目都可能會考慮下請假，但淨係staycation就唔係好想去」！

# 正正係屬於兩人嘅紀念日先值得慶祝！

樓主的經歷掀起網民熱論，有網民認為「唔能夠同步嘅情侶，分手係遲早嘅事」，亦有網民認為正正是屬於兩人的紀念日先值得慶祝，「其他商業節日反而唔知慶嚟做咩」！

# 男友比工作重要？

另一網民建議樓主只要同男友講「姨媽到，唔方便周圍去」，相信所有活動都會立即取消！亦有網民認真給予意見，提議樓主每日加少少班減輕工作量，又表示：「既然揀喺埋一齊，佢比工作重要嘅，係咪？」

不過，亦有網民覺得樓主的男友「識搞氣氛，又記得紀念日，仲想點？」另一網民建議她直接跟男友說，比起上網抒發更有效！

大家又覺得拍拖週年紀念日需唔需要專登請假慶祝呢？

延伸閱讀：

奶奶想婚後住新界方便回家，港島女提議住九龍！傾唔掂分手收場？

Text：Girlstyle Editorial
Photo Source：劇照、香港討論區