網民提出2大奇怪論點：「揀女友一定揀用Android嘅」！認為女仔用iPhone貪慕虛榮？網民留言反駁！

近年，手機款式層出不窮，Android和iPhone同樣是不少人的選擇！近日，有網民在連登討論區發文，認為「揀女朋友一定要揀Android女，唔可以揀iPhone女」，更提出兩大論點說明，掀起網民熱論！

用iPhone嘅女仔貪慕虛榮？

樓主提出的第一個論點：「用得iPhone嘅女仔只有兩種可能，一係就貪慕虛榮，一係貪慕虛榮兼無腦」～

他解釋指：「iPhone女只可以出入高級餐廳，口渴最少都要去星巴克，食個下午茶都要去Lady M嗰隻」，更指她們食嘢之前仲要「用長長嘅指甲督個iPhone mon」影相放上IG打卡，再喺caption打一大堆Hash tag「#afternoon_tea ＃lady_m #foodie #hongkong」！

樓主又補充，iPhone女在週末放假的日子一定會捉男朋友去M＋、大館等地方影相扮文青，「仲要影得唔靚就要你del曬啲相由頭再影過，唔影到佢收館都唔肯走」！

用Android嘅女仔多數有內涵？

樓主的第二個論點就表示「用得Android嘅女仔多數都係有內涵嘅女仔」，認為Android女「揀電話同揀男朋友一樣，唔在乎世人嘅目光，唔介意Android／男朋友畀人標籤為毒X（機），只係在乎部機／男朋友本身好唔好（用）」～

他又認為，Android女「用電話只係需要打出打入、上吓連登同用telegram／signal」，不會在意手機顏色「係姣婆粉定土豪金」，只要用得到的話，沉沉實實的黑色都無問題～他更指Android女多數是「真文青」，放工會畫畫、寫文，週末會去誠品睇書！

不少網民反駁！

樓主的言論掀起不少網民熱烈討論，有網民表示女朋友原本用Android，但後來「比我導咗用iPhone」！亦有女朋友用iPhone 7 的網民表示女友生活相當樸素，質疑樓主的計法唔準抑或只適用於用最新一代iPhone的女生！

亦有不少網民反駁樓主的說法，表示「唔怪之得樓主冇女」、「呢6-7年開始無見過靚女唔係用iphone」、「咁用iPhone嘅仔又無問題？」、「我兩部都有樓主點睇」！

網民亦認為其實只是用家自身的問題，並不關乎是用iPhone還是Android！其實最緊要都係大家用得舒服，相信性格同用咩電話並無直接關係～

Text：Girlstyle Editorial
Photo Source：劇照、IG@jennierubyjane, @sooyaaa__

延伸閱讀：

網民盤點「男仔約女仔出街會扣分嘅行為」！步速太快/身體有異味/太多不必要身體接觸？

網民綜合遲遲未出Pool「單身症候群」7大症狀！習慣一個人/佛系等待愛情/假裝不想談戀愛？