30歲港女想搵Mr. right，被指要求高？提問：多唔多女仔30歲未嫁？網民：唔使急！

傳統觀念往往認為女士始終要找個好歸宿，在適婚年齡結婚，生兒育女～近日有踏入30歲的女生在討論區以「大家身邊多唔多女仔30歲都未嫁得出」為題發文，好奇自己幾時先會遇到Mr. right～結果，一眾網民都認為樓主無須心急，只要活得精彩，無須介意有無另一半～

30歲樓主想搵Mr. right！

近日，有女網民在連登討論區發文，提問「大家身邊多唔多女仔30歲都未嫁得出？」樓主表示，自己有好多舊同學仲未嫁人，自己亦剛踏入30歲，好奇「幾時先遇到Mr. right」？

有網民留言表示要等樓主放下身段果日先會遇上真命天子，但樓主就認為有啲男仔真係太難接受，直言「正如你肚餓都未至於要執垃圾食啦」～樓主亦補充自己的擇偶條件：「唔係話要啲咩有錢有樓，淨係想有男子氣慨得黎識尊重女性」！

網民：大把人30歲未嫁，唔使急！

樓主的貼文掀起不少網民熱論，不少網民都表示身邊有好多30歲未嫁的女仔朋友，但認為只要養到自己就唔使怕，「講真唔使急嘅，呢個環境都唔會生仔㗎啦」～

網民：生活多姿多彩，唔care有冇另一半～

有網民表示自己認識一個外貌平庸的30歲女人，雖然單身，但女方性格很好，有好多朋友，「睇佢ig生活好豐富，成日都好多活動，所以我覺得佢都唔care有冇另一半，日日多姿多彩仲開心」！

寧願單身都唔想做cheap自己？

亦有網民表示自己玩開交友apps會專搵30歲前後嘅女人，「原本以為佢哋會急住揾伴侶，會進取同積極啲」，但網民卻發現事實完全唔係咁，不禁令他提問：「其實係咪真係咁多女人唔介意單身到老，定係寧願單身都唔想做cheap自己，點都想男人主動多啲呢？」

有網民嘗試分析背後原因：「因為差唔多所有哺乳類動物雌性都係慕強，所以女仔潛意識都會係咁」，認為女人未必係睇唔起低級過佢哋嘅男仔，只係「因為真係無感覺」！

網民：唔使人嫁我又嫁～

另一位網民就認為「嫁唔嫁都係個人選擇，唔使人嫁我又嫁嘅」，更指出唔少人30歲婚都離埋，亦有30歲毒男可能仲係A0，認為「每人有自己方式，理得人咁多？」

大家又點睇呢？
Text：Girlstyle Editorial
Photo Source：劇照、連登

延伸閱讀：

網民提出2大奇怪論點：「揀女友一定揀用Android嘅」！認為女仔用iPhone貪慕虛榮？網民留言反駁！

港女從小被教育，要為老公打理家務、不能有異性朋友！被男友批評思想守舊，網民質疑性別定型？